幼兒潛能訓練課程(二)

星期六，是幼兒潛能訓練課程的第二堂，放工後，立即回藍田接樂仔，原本以為搭巴士，應該有充足的時間到達，可惜遇上塞車，攪到遲了３個字才到達課堂。

第二堂開始，已經唔比影相，所以沒有上堂的照片睇。今天，樂仔和第一堂一樣，一見到一大班小朋友，就會失控，要自己周圍走，唯有要抱起他，數十聲，待他冷靜下來，才可繼續上堂。

今天遲了，所以唱唔到校歌和歡迎歌，一去到就唱數手指，之後導師就比舊麵粉佢玩，比佢用手感受下拿著淋淋地既，樂仔拿著，即刻露出一面唔舒服的表情。可能覺得怪怪地咁。之後到另一個環節，要父母用手捉著小孩的腳在腰，姿勢好似推車咁，要小朋友以手代腳行，訓練他們的手力，唔好睇樂仔大大隻咁，就以為佢好好力，就因為佢大舊，大重啦，所以只可以行到幾步。之後就父母討論時間，而小孩就自由活動，今次導師比佢地玩捐山洞，哈哈！這是佢強項．．．人地未開始，佢已第一時間捐，真係激死。之後樂仔又發揮惡霸性格，想唔排隊就玩，又要捉住佢，開頭都唔肯，係度扭計，要一路排一路話比佢聽，要排隊，好快到佢，排了幾輪後，樂仔好像明白點，排隊時沒有再扭計了．．．唔通真係明白？

上完堂，一上巴士，樂仔就睡著了，可想佢玩到幾累．．．

今堂樂仔好似有進步了，好似沒有第一堂那般咁扭計，希望一堂比一堂進步啦！