繼上一次挑戰屯門之後，今次我地還要去遠一點，進軍元朗．．．
目的是約了一班舊公司同事，今次難得咁齊人，去遠一點，沒所謂啦！
講起這班舊同事，而家只餘下一個還在這舊公司工作，其他都先後離開，不過回想在這公司工作時，真在好開心，成班同事都好夾，玩得埋，最重要係成班靚仔，玩多過做，每天返工都好開心。
這天樂仔著住姑婆剛送比佢的車仔波衫出發，搭了兩程車，用了個半鐘才到達元朗，我上次入元朗，都唔知係幾耐前既事了，無十年都有八年，落車後，就有地膽朋友接我地，之後就去了”讌客”飲茶，飲茶期間，大家講番以前係公司的攪笑事，大家聽番，一樣笑到碌地．．．
飲過茶，就去朋友屋企玩，大人就打下牌，玩下ｗｉｉ咁，而樂仔呢？佢當然四圍攪攪震，自得其樂．．．
這聚會，我們順道和九月生日的朋友慶祝生日．．．
食過晚飯後，咁難得咁齊人，當然要影幅大合照留念啦！
玩到九點幾，就起程回家，樂仔成日無睡過，所以一上到車就睡到成隻豬咁，返到屋企都唔醒．．．
今次聚會實在玩得好開心，講好的下次攪ｂｂｑ，希望都能咁齊人啦！
元朗！ｉ ｗｉｌｌ ｂａｃｋ！！
沒有留言:
發佈留言