DC仔雜影

２７／１２／２０１０（一）

摘士多啤梨之旅，沒有帶大機，只帶了ｄｃ仔，不過都四圍影！

雲泉仙館，除了食齋之外，還有少少地方給遊客行下！

這裡剛舉行菊展，但大多數的菊花已謝了～

停車場邊還有一些小攤檔！

去風濕，姑姑都買左一份！

茶樹菇，開頭都想買，但最終都係無買，驚唔駛煮！

在士多啤梨園，也影了一些相！

園主養的狗，好聽話，一幅懶洋洋地在午睡，爽呢！

這應該是本年最後一篇網誌！

在此祝各位～～
HAPPY NEW YEAR!

樂．摘士多啤梨之旅

２７／１２／２０１０（一）

這天約了姑家，遠征粉嶺摘士多啤梨。

由於太遠（對我地來說），所以今次ｃａｌｌ定雞記，
一次車入粉嶺都係＄１５０，車程變成半個鐘都唔駛，爽呢！

入到粉嶺，先食個齋先，這間雲泉都不錯，最正係佢既白粥，好香！

買齋時，樂樂自己楂著張菜單無啦啦走埋去問收銀姐姐：
樂樂：我要依個呀？
收銀姐姐：你要這個，你有無錢呀？
樂樂：我有２７蚊！
收銀姐姐：唔夠喎，你重有無錢呀？
樂樂：咁我都唔知羅！

食飽飽，係這個齋館，行下先！

在齊館停車場的攤擋，樂樂見人問這個好唔好，佢又學人走埋去問婆婆這個好唔好，婆婆話好好味的，遞比樂樂試，樂樂一見到黑色野，答唔食得喎！
婆婆再問，咁你想食乜？樂樂又出口頭襌：我都唔知喎！

原本齋館隔離，已經有得摘士多啤梨，但姑姑話麻麻，
找了另一間偏遠既，這間有得ｃａｌｌ佢楂車來接我地。

５分鐘車程，就到達，地方都算幾大。

有機士多啤梨要＄７０一磅，真係幾貴！
佢話摘兩磅＄６０一磅，三磅＄５０一磅，一般鎖售技巧，
我地唔會中招既！

好．．．我地開動啦！

都幾大粒喎！

靚就唔算靚，但總算都幾多比你摘，唔係得幾粒咁！

嘩．．．你個口好大喎！

想知士多啤梨有幾好味，等樂樂話你知啦！

之後去摘栗米！

再摘紅菜頭！

滿載而歸，都唔駛咁既樣！

多謝晒＄７０～～～好貴！

再洗一洗，慢慢歎！（但其實係麻麻）

很久沒一家人出去郊外，吸下新鮮空氣了，今次再次遠征，感覺幾好！
陽光下，用傻瓜機影相都靚ｄ，希望下次有機會再去玩多次！