16/09/2012 (日)
這天一早起身，再試試看看日出，但很大霧，雖然看不到日出，但郤看到另一番的靚景！
食過豐富早餐後，要離開酒店，我們會先去下一間酒店寄存行李，
再出發今日的目的地『富森』！
昨天我地係買 Daypass，但今天要搭齊
RE, BUS, U-bahn，所以都係買 Bayern 邦票低ｄ!
(左圖是bayern-ticket, 右圖是 daypass)
我們首先去 DB大站 Hauptbahnhof 的酒店放低行李，幸好酒店離車站不遠又易找！
之後再去車站搭車，見有時間，女仕們去開定明天用的 Railpass!
我地就周圍影下火車！
生命麵包車架，好特別！
今天要去德國最南部的 Fussen 富森！
這地方也是德國好出名的景點之一，車程要兩個鐘！
沿途的風景都好靚！睇下風景，兩個鐘的時間好快過！
到達富森啦！
德國最南部的Fussen．這裏有Schloss Neuschwanstein(新天鵝堡)，
Schloss Hohenschwangau(舊天鵝堡)，Lake Alpsee(阿爾卑斯湖)！
今次來到，當然是參觀，新天鵝堡和
阿爾卑斯湖啦！
車站也別於一般車站，成間屋咁！
其實可以租單車去睇新天鵝堡！但對於我地這些懶人來說，當然是搭車啦！
途經的酒店，外型很靚，好想住，但應該好貴！
在車站附近，可以搭巴士去
Hohenschwangau (郝恩修瓦高)，不用怕找不到這巴士，
因為好多人搭，實找到！車程大約 10 分鐘！
落車後，也很多路牌指示！讚！
如果想參觀新或舊的天鵝堡，咁就需要買飛啦！
買完飛，就要上山，有三種方法，１）搭接駁巴士，２）坐馬車，３）用腳
我地最終選搭巴士，最快捷又啱我地這種懶人。
睇完地圖，其實這地方不算太大！
這就是馬車啦！但見到ｄ馬一路拉人，一路拉屎，真的幾．．．．．．
由於星期日，遊客眾多，攪到我們坐的巴士，其實已超載，但竟然還迫上了一班日本遊客，
一路行，真的好怕會出事！一來是山路，一個灣入得唔好，真係除時車毁人忙！
好心那個日本導遊就等下一班才叫人上車啦！
落車後，我們先去
Marienbrucke (瑪利安橋)去這裡，因為這是看新天鵝堡最佳的地方，也是最佳的景點！
沿途有藝術家，畫畫！
由於和同車的日本遊客一齊，所以橋好多人！很難才找到位置影相！
由於部份外牆還在維修，導致望下去的感覺，始終差一點！
今大的天氣，超藍的天之下，天鵝堡真係幾靚！
突然時會諗，如果是冬天的話，在漫天雪地襯托之下，應該會更加美麗！
影完相，係時候繼續上山！
途經一處，可以遠望富森全景的地方！
也可以睇到舊天鵝堡！
亞爾卑斯湖！
我們的入場卷！
行了 20 分鐘的路程，終於到達新天鵝堡啦！
在城堡裡，也可以看到剛剛我們影相的
瑪利安橋！
＜網上資料＞
Schloss Neuschwanstein (新天鵝堡)
位於阿爾(Alpsee)高地的新天鵝堡建於1869 - 86年，由巴伐利亞[當時德國的其中一個邦國]國王(King of Bavarian)路德維希二世(Ludwig II)建造。這個城堡是依照Ludwig II 的夢想而設計的，國王是個藝術愛好者，他的一生受著瓦格納(Richard Wanger)的歌劇影響。他邀請了劇院畫家和舞台佈置者為他設計城堡的草圖，這個如夢幻般的城堡，加上美麗的湖泊和山巒，彷彿是個人間仙景。
進去參觀，他會按你選擇的語言每人派發一部翻譯機，以助我們了解導賞員的介紹．
由於城堡內不許拍照, 所以我們只是乖乖地參觀。
之後我們搭車下山，在山腳都可以見到舊天鵝堡！
去到山腳，係時候醫肚，就去網友介紹，話好好的餐廳食豬扒包！
可能太妟的關係，好多食物都賣了，最後買了這個包！味道一般！
食飽飽，就去亞爾卑斯湖行下！
這湖給人好寧靜的感覺，我好鐘意，坐係岸邊，望著湖，吹欢風！真係好舒服！
在這湖中撐下艇仔，又真係幾浪漫！
湖面就好似一幅鏡！
清也很清，岸邊可以看到魚！
亞爾卑斯湖，估唔到都見到天鵝！
天鵝唔怕人，因為知有野食囉！
喂，我無野比你食喎！
好現實，無野食，排隊走人！哈哈！
估唔到係這度都見到拜仁小ＦＡＮＳ！好型仔呀！
這個好Ｏ爹既小朋友，好可愛！
湖邊有一間好靚的餐廳，係度坐下慢慢歎！真係好ＲＥＬＡＸ！
之後行多一陣商店，買下手信！就回程啦！
晚上，在酒店附近的餐廳食晚飯！
這裡有無酒精的啤酒，當然要試試啦！但味道一般！好似飲緊蔗水咁！
見到網友介紹，話這裡的 Pizza，味道都不錯！
今天買的名信片，一張寄給樂樂，一張寄給就釘！
今晚住的酒店係平酒店，所以地方細細，喼開左係行唔到的！
不過最正係房有 Wifi！有得上網！
