『樂』與「我」: 6月 2009

2009年6月30日星期二

可樂

一路上網,一路歎一鑵可樂～～～～真係爽呢！

望落去真係幾似可樂！

但其實佢係

＊＊＊

＊＊＊

＊＊＊

＊＊＊

＊＊＊

＊＊＊

＊＊＊

＊＊＊

＊＊＊

＊＊＊

＊＊＊

係一對電腦喇叭！

前排見到報紙話買兩支可樂加錢換，

一睇已經好鐘意，

可惜ＬＵＮＣＨ去換時已換晒，

幸好樂媽那邊還有得換，

ＴＨＡＮＫＳ！樂媽！

2009年6月28日星期日

變型金剛

今個暑假，最期待的戲，當然是變型金剛２啦！
未睇續集，先租番第一集來睇睇先，當温故知新都好，
橫掂第一集樂媽都未睇，一於毒下佢先～～～
再睇番第一集，依然咁正！緊張刺激，連樂媽都話好睇！

變型金剛之狂派再起～～～好期待呢！
睇住ＴＲＡＩＬＥＲ頂住先！

2009年6月27日星期六

樂．三德飲茶茶

２１／０６／０９（日）
我的父親節２００９（下）跌
上午去完公園玩，之後約埋梨Ｅ，亞輝，去了北角的三德飲茶茶，這是素食酒家啊！啱晒食素姑公姑婆。

好耐無去飲茶，今天飲茶，特別開心，話晒係父親節，飲茶好似應節Ｄ！

都係唔講咁多，去相！

未有野食，樂仔已經肚餓，唯有食著餅餅頂住先啦！

食完餅，咁口飢，當然要飲水水啦！干杯！

之後玩下電話～～喂喂！

又玩下相機～～１２３～～

小朋友，又點可以坐定定呀！又扭悶，唯有出絕招！

。

。
。
。
。
。
。
。
。
就係畫畫啦！樂仔近排的至愛～～～

完成品！姑婆幫了它改了名，名叫赤紅！

最後，當然影番幅一家人來紀諗先！

ＰＳ：父親節～～一家人過最開心！願每年都一起過！

2009年6月26日星期五

２１／０６／０９（日）
我的父親節２００９（上）

這天父親節，亦是自己過的第三個父親節，一如前幾年，沒有特別慶祝，同樂仔去玩玩已是最住的節目．．．

早上，約了姑公姑婆食過早餐後，便行一陣街，之後就向附近的公園出發。
今次我地真係挑戰忍耐的極限。
因為我地今次選錯了時間，在中午時份去遊樂場玩，真係熱到爆登，終於玩了一個鐘後，大家成身濕晒。再去北角飲茶茶！

好！去相先～～～～

先去大快活食個早餐先，有通粉食，樂仔食得幾滋味！

今次買了新的吹波波，一次可以吹好多波波出來，樂仔實開心死！

諗著比佢試下吹波波，但樂仔只識咬，真係激死！

去到遊樂場，又點少得玩ＳＩＲ滑梯呢！

遊樂場還有好多正野玩！

天氣咁熱，真係要飲多Ｄ水先得！

咁好玩的遊樂場，下次一定要再黎玩啊～

2009年6月25日星期四

樂．著ｅ鞋

樂樂最近愛上了梨ｅ的身邊的物件，如經常去摷梨ｅ個袋，睇下有無野食，最近，佢睇中左梨ｅ對新鞋，每次一見到，實忍唔住要拿來著．．．

著完還好鬼開心，覺得自己著得好靚咁．．．真係服左佢～～

著到啦～～ｙｅａｈ～

2009年6月23日星期二

樂．遊戲室

樂仔食左保嬰丹後，心情平和了，沒有咁暴燥了，撞頭少了，我地會睇緊他的，多謝大家的關心～～ｔｈａｎｋｓ～！

２０／０６／２００９（六）

拖左咁耐，終於ｔｉｃｋ起心肝去執下樂仔間房，經過幾晚的努力，終於將這間雜物房變回樂仔的遊戲室了．．．

不過其實都唔係好多玩具，只是將樂仔舊的玩具放晒入去．．．哈哈

這天，就有幾位小朋友來一齊試玩這遊戲室了．．．
樂仔，你不用自己一個人玩啦！

鏡頭一轉，小朋友已經黎左．．．
太太們在做運動，由我來一抽四．．．講錯講錯！係一湊四！
一個對四個真係一點都不簡單，想影多ｄ相都好難！我投降啦！
終於明白幼稚園老師真的唔易做．．．．佩服佩服！

其實這四個小朋友都算是好乖，聽教聽話，又肯坐定定的玩，已算好湊的一類！

這天試了人生的第一次，就是講故仔比細佬仔聽！
之前間中都會講故事比樂仔睡，但不是拿著做事書照著講，只是憑著我自己幻想，老吹老作的故仔講，一點難度都沒有。

但今次不同了，當婷婷拿著樂仔的睡前故事書．．．．．
對我說：『這故事我未聽過，可唔可以講比我聽？』

ｏ賣吉！婷婷咁有誠意！我又點可以拒絕呢！唯有頂硬上！
先來青蛙王子，再來生金蛋的雞，最後再黎灰姑娘．．．講野唔係我強項，所以食螺絲，甩甩ｃｕｔｃｕｔ，ｄｅａｄａｉｒ實有啦！好彩婷婷都係收貨！