家駒, 你好嗎?
2013年6月30日星期日
2013年6月11日星期二
樂樂人生第一個畢業
08/06/2013 (六)
話咁快, 樂樂就幼稚園畢業了, 剛過的星期六, 聯到其他學校一齊舉辦畢業禮!
一開始, 大合唱, 企到最後, 被人遮, 好難才影到佢!
之後上台拿畢業證書, 又幾正經喎!
之後再同班主任影下相!
問同學借來的畢業公仔!
咁快就讀書開心既幼稚園, 上小學, 開始捱既生活啦, 樂樂, 你要加油呀!
2013年6月10日星期一
2013年6月6日星期四
小學派位結果
01/06/2013
剛過的星期六, 是升小家長的大日子, 因為這天是大抽獎(升小派位)的結果。
點解是大日子, 因為今日得68%派得頭三志願, 是不知幾多年耐最差的(報導係咁講),
我自己就不是太緊張, 可能男人性格掛....哈哈!
至於樂媽, 就緊張到半夜醒左, 睡唔番.....女人.....哈哈!
其實我地兩老都算是無乜債任的父母了, 只為樂樂準備一間的呃門資料,
諗著唔得就讀派那間就算, 但見其他的家人, 那種準備, 真的無得比! 真係失禮!
諗著多人, 有排排等睇結果, 所以樂和樂媽就留守家中, 我單拖去睇結果!
準時九點半去到, 嘩........成百人已在排隊! .......唉.......唯有等, 又曬又熱, 攞命!
幸好, 等的途中遇到朋友, 可以一邊排, 一邊吹水! 時間快過點!
等了一個鐘....終於入到學校等, 起碼有冷氣!
坐係度等等下, 原本唔緊張的我, 好像被四週的氣氛影響下, 都變得緊張起來。
有點擔心如派得不好的話會點算!
幸好, 一睇到派位結果, 心裡YEAH了出來!
第一志願, (即是我舊時讀那間小學), 是我和樂媽都覺得這間學校很啱樂樂的學校!
真的很幸運, 要派到第一志願, 真的不容易, 很感恩, 感謝主!
在派位前一晚, 我會樂樂都有祈禱, 同主傾訴派位的事, 全能的主, 你是聽到的, 謝謝你, 感謝主!
2013年6月5日星期三
訂閱:
文章 (Atom)