一路走好 黃貫中

是亞ＰＵＡＬ獻給白方禮先生的一首歌！



你這樣做彷彿不曾懷疑
我還想要 阻止你
你用一個人的力量 打造這條愛的橋樑
但是你如何收場?
你這樣做是否太過叛逆?
我希望我認識你
走在人海未有茫茫
滿臉風沙卻不浪蕩
倦了你就躺一躺
總有人不一樣 令這裡不一樣
總有人不一樣 令世界不一樣
(我不敢說凄涼 我不敢說凄涼)
你也從來沒有想過你會這樣 睡得早
春風吹過一片茁苗青草
請你要一路走好!

公司搬家

２９／０９／２０１０（三）

短短一個月的臨時位，總於完結了，０４／１０就要在新辦公室返工，真係有點唔捨得個房ＶＩＥＷ。雖然早上有點曬，但有時做得累累地，望下個景，個人真係精神點，對倆眼都好點。

星期一，公司就會搬上去６６樓了，搬高點，個景當然更加靚啦！但我地這些小職員，又點會可以享受得到，小職員的位當然是面向幾幅牆，唉～～～

講笑姐，其實坐邊有有乜所謂！哈哈！

新辦公室有自己既位，不用再和同事分享一張枱（有點似小學生在學校一齊坐咁），私穩度都多點啦！加上新位自成一角，哈哈！上網巡卜，睇ＦＢ，絕對唔會有人睇到，諗起都爽呀！ＹＥＡＨ！

今次搬新辦公室，另一個好處就係公司由明天（３０／０９）就開始放假，即係話，連埋國慶假期，連放四日，爽呢！不過月尾放假，就要趕餐死，埋數，交報告，都要放假前做好，真係做少陣都唔得！

難得放假，做乜好呢？上午做健身，下午去游水？希望唔會得過諗啦！哈哈！

樂．燈籠

樂樂今年收到兩個燈籠，佢都好鐘意！

左邊的巴斯光年，是大姑姑送的！

右邊的湯馬仕，是公公送的！

多謝晒公公和大姑婆！ＴＨＸ！

樂．１０中秋晚會

１８／０９／２０１０（六）

我地屋住的屋苑，每年都會舉行中秋晚會，這亦都是我地一家在這屋苑參加的第二個中秋晚會，今年梨Ｅ，亞輝，姑公姑婆都有來，陪樂樂一齊去玩番晚！

嘩！每個攤位玩遊戲都排長龍！

要玩，就要排隊喎！樂樂！

這天天氣好熱，只係排隊都出晒汗！

排到啦！首先玩灌藍先！

之後玩碌波！

再夾ＰＩＮＧＰＯＮＧ球！

最後係拋豆袋！

每個遊戲都有豐富禮物～～就係小小小食物啦！

不過，對於小朋友來說，都已經好開心！

之後去睇大抽獎，可惜和往年一樣！中個吉！唉＞.＜！

樂．與波遊玩

１８／０９／２０１０（六）

ｂｌｏｇ友波波一家到訪，探望我地一家！真係有心，謝謝！
沒見大半年，兩位小朋友，一見面就要拖手行，估唔到咁ｆｄｓ啊！哈哈！

（ｐｈｏｔｏ　ｂｙ　波爸）

原本約去ｔｋｏ游水，但波波唔舒服，改去會所玩，對於小朋友來說，只要有得玩，去邊都一樣姐！一樣咁開心！

其後一齊去食ｔｅａ，再上我家坐坐聚聚，開心的一天！期待下次再聚！
下次同我地去拜訪你地一家啦！

樂．遊迪士尼黑色世界

１７／０９／２０１０（五）

同事唔得閒，給了我三張迪迪尼票，既然有免費飛，第一時間請了半天假，一於同樂樂去玩番日！

放工接完樂樂後，再在香港會合樂媽出發迪迪尼！樂樂知道有得去迪迪尼玩，不知幾開心，不斷係咁講去迪士尼玩！下午三點到終於到達！

比起上一次來，今次樂樂無咁怕羞了，還好興奮掂！

樂樂：睇下有乜玩先？

由於天氣太熱了，玩左幾分鐘，就要入去商店過冷河！

之後玩飛碟！

再玩了二次”馳車天氣”！

再過冷河！玩了兩次巴斯光年！

咖啡杯！我地兩老轉到有頭暈，玩完一次，投晒降！

旋轉木馬，樂樂反而有點驚！

最佳過冷河推介，米奇４Ｄ，可以坐定定１０分鐘，正！所以我地玩了兩次！
比起上一次睇，今次樂樂投入好多！有時會驚，有時會用手去捉佢！

米奇樂，你想對唐老鴨點呀？

小飛像．．．也是樂樂鐘意玩之一！

是日晚餐，入場卷包埋，味道係咁上下啦！

哈佬喂，所以都有哈佬喂比你影相！

有鬼呀～驚驚！樂樂都唔敢行埋去！

坐定定睇萬聖節巡遊．．．

睇完成８點半，係時候回家！回到家成十點半，我地兩老散晒！