打針

樂仔歲半了，所以星期四帶了他到診所打了五合一的最後一支針，打埋這支，ｂｂ時期需要打的針都已經打完，待他上學後才會再打．．．

細細個開始，樂仔都唔係好怕打針，還未試過發燒！可能細細個佢已經係肥仔一名，個大脾肉十分厚，所以每次打針，佢都係喊一下，比樣野佢楂手，之後就會收聲！今次打針，亦不例外，喊一下，ｅ生比粒糖佢，就唔記得左乜事，回家到，都沒什麼事，直至晚上睡時，經常札醒，顯得有點不舒服，到了早上，發覺有少少燒，隻腳又可能打針位麻痺關係，無啦啦行唔到，真係嚇ｃ人，幸好下午隻腳已無乜事了，不過還有少少燒，要食退燒藥！

晚上接過他回外母家，唔知係咪食了藥的關係，個人好呆，和平時走圍走的他，簡直判若兩人，這晚乖乖地坐在地上玩他的ａｂｃ玩具．．．平時不知想佢坐定定，但今次見他坐定定，又擔心佢有乜事，做父母真係無奈．．．

不過，當藥力過後，樂仔又精神起來，變回家中的破壞王，在家四圍走，雖然又要看牛仔，但總好過擔心．．．

＜以下是回復精神的樂仔（攝於２２／０８／０８　８：００ｐｍ）