上星期開始，樂仔就開始有少少咳，之後睇了兩次家庭醫生，情況沒好轉，反而近幾晚半夜時，樂仔咳得好利害，還咳到嘔。真慘！
前天，婆婆帶了樂仔去法國ｅ院都睇，食過藥後，情況好了點，但半夜咳的情況，不是太大改善，睇見佢咳成咁，真係有點擔心！
樂樂有咳，避免傳染其他小朋友，已經沒有返成個星期幼稚園了！
希望樂樂快ｄ好番！我們還要慶祝國慶和中秋節啊！
2009年9月30日星期三
2009年9月28日星期一
2009年9月23日星期三
樂．小孩聚在峰峰家
１９／０９／２００９（六）
今次小孩聚，是在峰峰的新居，今次還多了一個新成員，就係朱古力小姐，佢真係好得意，和家姐成個餅印咁，好攪笑！
雖然話係小孩聚會，但發覺這六位小朋友，竟然可以每人取一樣玩具，分開玩，每人佔一個地盤，情境好攪笑！可惜影不到！失敗！
等我再介紹今次出席的靚仔靚女先～～
婷婷．以前男仔頭，現在好斯文！
正正．和樂樂差不多大的好朋友！
峰峰．新居主人家，但好怕羞喎！
軒軒．好醒目的小孩，同佢玩好開心！
朱古力．婷婷的妹妹，這次聚會的新成員！
好多細路仔鞋，你地估邊隊係樂仔的？
小朋友，又點少得食奶時間！
佢地兩姊妹，關係好好，老友鬼鬼！
合照時間，一早就放棄大家會望鏡頭，影到六個已算不錯～～哈哈！
是日，再次相討下年一月一同去旅行大計，暫時大家都沒問題，希望到時真係成事！
大家一齊去旅行，玩過夠！好期待！
2009年9月22日星期二
樂．初步評估
２１／０９／２００９（一）
上一次見完醫生後，轉介到觀塘尤德夫人兒童體能智力測驗中心做初步評估！
這天的下午，我們兩老請了半天假，帶同樂仔去見護士，做一個簡短的初步評估，大致都是問問一些關於樂仔的問題，全程大約半個鐘，初步護士都說樂仔在語言方面比較弱，致於我們最關心的自閉症問題，暫時不能肯定，但護士都發覺樂仔在和別人眼神接觸方面真的薄弱，但又不是完全無，因為護士叫樂仔時，間中都有和護士眼神接觸，但真的好少少！
攪了大半個鐘，最後結論就是～～～～～～～～～～～～等！
首先他們會開會研究樂仔的案件，再決定樂仔需要做那一方面的專業評估，加上要排期，輪候，大約要等半年才能做專業評估。
半年的時間，真的不長也不短，我們可以點做呢？
最後我們決定照等，但亦同時會找私人機構的語言評估先，如果真的有需要，之後再做語言治療，雖然是貴一點（大約５００半個鐘），但都要試試，最多以後在生活上慳點，希望能幫到樂仔改善講野問題。
2009年9月21日星期一
訂閱：
文章 (Atom)