七月之星飯聚

２６／０６／２０１０（六）

原本以為今星期要化療，以為唔方便同樂媽慶祝生日，所以一早約了姑姑他們這星期去食下午茶自助餐慶祝，但因為身體白血球過低，醫生要推遲多一星期，改下星期才化療，但都照原定計劃進行，食餐飽了～～

今次慶祝七月之星，還有大少姑婆，所以一個請一個～ＨＡＨＡ

樂仔就最鐘意這個朱古力噴泉，有得玩，有得食。

最後，當然要影下合照啦！

今次再去帝京，但明顯食物質數下降得好緊要，少左好多款式，
睇黎都沒有下次了！

2010 世界杯 - 16強德國 4:1 勝英格蘭

２７／０６／２０１０（日）

過了一個超開心的一晚，德國在１６強以４：１掃走英格蘭，殺入８強，遇上強豪亞根庭。

講真，這班德國小將能殺入８強，在我心目中已經超額完成，贏唔贏到亞根庭，已經不再重要，最緊要打多一場好波比球迷睇，比到亞根庭壓力，令他出真功夫就得！

今場，對高路斯改觀了，停賽覆出，狀態都咁好，
第一球就係佢自己努力得來的！ＫＬＯＳＥ～～ＧＯＯＧＧＧＧＯＡＬ

至於契仔，我沒有改觀，佢真係幾獨食～～～但佢又有入球，真係吹佢唔賬！

今場ＭＶＰ，係你啦！梅拿仔，今季表現進步神速！繼續加油呀！

這球誤判，真的左右了這場比場！
但我相信，就算判這球入，最後勝利都係在德國這邊！（忠心ＦＡＮＳ覺得！）

感謝你們帶給我們一場一波！要繼續啊！

下場８強，星期六，十點！又點可以錯過＂德亞大戰＂呀！

小將們～～繼續前行，無懼前路難行！

2010 世界杯 - D組德國險勝加納 1:0

２４／０６／２０１０（四）

小組賽最後一場，德國ＶＳ加納，德國如要保持出線機會，必要擊敗加納！
最後德國靠小將ＯＺＩＬ一記的世界波，擊敗加納，以小組首名出線１６強，１６強會遇著死敵英格蘭。

講真，今場德國打得麻麻，唔係加納埋門質數差，應該要失一兩球了。
特別是後防，梅迪近幾場打得好差，希望對英格蘭生生性性。

另一德國新星，ＫＲＯＳＳ都有份後備落場！

小豬，你傷勢重唔重？

隊長拿姆，三場都表現不錯！

星期日十點，英德大戰，德仔必勝！