樂仔歲半了，所以星期四帶了他到診所打了五合一的最後一支針，打埋這支，ｂｂ時期需要打的針都已經打完，待他上學後才會再打．．．
細細個開始，樂仔都唔係好怕打針，還未試過發燒！可能細細個佢已經係肥仔一名，個大脾肉十分厚，所以每次打針，佢都係喊一下，比樣野佢楂手，之後就會收聲！今次打針，亦不例外，喊一下，ｅ生比粒糖佢，就唔記得左乜事，回家到，都沒什麼事，直至晚上睡時，經常札醒，顯得有點不舒服，到了早上，發覺有少少燒，隻腳又可能打針位麻痺關係，無啦啦行唔到，真係嚇ｃ人，幸好下午隻腳已無乜事了，不過還有少少燒，要食退燒藥！
晚上接過他回外母家，唔知係咪食了藥的關係，個人好呆，和平時走圍走的他，簡直判若兩人，這晚乖乖地坐在地上玩他的ａｂｃ玩具．．．平時不知想佢坐定定，但今次見他坐定定，又擔心佢有乜事，做父母真係無奈．．．
不過，當藥力過後，樂仔又精神起來，變回家中的破壞王，在家四圍走，雖然又要看牛仔，但總好過擔心．．．
＜以下是回復精神的樂仔（攝於２２／０８／０８ ８：００ｐｍ）
部舊電話已用了二年有多，加上舊電成日好快無電，所以想換電話好耐，睇啱款既我又嫌貴，左選右選，終於係剛過的星期六買了部ＬＧ ＫＭ７１０，選這部機，貪佢可以聽歌，加上價錢合理，千幾蚊，跟機送２Ｇ咭，ＣＡＲＤ ＲＥＡＤＥＲ．．．真係幾低玩。另外用渣打信用卡係豐澤簽帳，有１０％回贈，變相有九拆，．．．所以都唔係考慮左好耐就買了！
回家試試，越玩越鐘意這部機，特別是他中間圓型轉盤，用法和Ｉ－ＰＯＤ差不多，都算方便。最近又買了隻”別了家駒十五載海闊天空音樂會”ＣＤ，而家返工放工都狂聽．．．真在正啊！
星期六，和樂仔上了由香港基督教親職教育中心的幼兒潛能訓練課程，這中心開辦的課程，在ｂｋ網都好評如潮，經常爆滿，幸好老婆見到網上有媽媽組班，所以順道幫了樂仔報名，謝謝這位網友之前晨早６點去排隊報名，唔係樂仔都無得上這課程，謝謝啊！
這天是第一堂，所以比影相，但其後的堂，規定唔比影相了。這天樂仔表現出”大舊衰”的性格，未上堂時，已經經常去搶朋友仔的手上的玩具，到正式上堂，就開始完全失控．．．．
首先係唱上堂歌，之後係歡迎歌，其後介紹歌，樂仔聽到歌，總算定下來一陣，之後做交換手上波波時，樂仔就連人地的搶埋．．．唉！之後到小朋友企係張椅子上拾物件時（訓練佢平衡），樂仔完全唔理，係度玩張椅子，唉．．．！其後訓練佢手指活動，叫佢吸印仔，佢又唔吸，只係係度玩個印．．．真係激死！
今堂樂仔好明顯表現出佢係一個過度活躍的小孩，經常自己周圍走，完全唔聽講，導師叫佢做乜，佢都唔做，成日要走左去第二到自己玩，真係激死人。平時已經覺得佢周圍郁唔聽教，但今次和其他小朋友一起，就更加有比較，其他小孩都會周圍走，但他們的父母叫他，他都會應，但樂仔呢？完全唔應人，你唔比佢做這樣野，佢就會發脾氣，真係教極都唔聽．．．奀皮仔果然沒錯！
上完堂，真係覺得自己好似唔識教仔咁，覺得自己係一個好唔掂的父母，有點自責，內疚的感覺．．．
和老婆相討後，決定唔可以再縱容樂仔，也會和錢太（日間湊樂仔的太太）講，唔好再咁就樂仔了，因為錢太一見樂仔扭計，佢就會就晒佢，攪到佢變成咁，要改變樂仔，唔係得我地單方面就得，都要錢太合作，希望樂仔在未來的日子會改善到佢既臭脾氣啦！自己都要加握勁才得！
哈哈！天文台真係比左個驚喜我，以為要返工，點知今早起身見到話會掛８號波，幾鬼開心！又有一日假放，加埋星期六短週，連放三日！正！
不過樂仔始終唔放過我，７點就起身，之後都係唔肯睡，最終都係要和返工時間起身，無得睡晚點．．．唉．．．
開頭以為這個颱風唔係咁勁，點至１０點落街食早餐時，一陣好勁既怪風吹埋黎，我地把大雨傘即刻摺埋報消了，之後好狼狽咁走入商場，食完早餐後，依然好大風！難得放假，又點可以留在家，約了梨ｅ和就釘去姑婆家玩！待樂仔睡完午睡後時，已經掛了９號波，行去時，鬼死咁大風，吹到樂仔好唔舒服！
回家時，橫風橫雨，已經夠狼狽，點至樂仔個衰仔竟然伸個頭出雨傘外，攪到濕晒，好彩沒冷親。回家後同佢沖個涼，食支奶，好快就睡著了．．．
最慘係．．．同我最尾沖涼時，個熱水爈不知解無熱水，要我沖凍水涼，真係凍死人咩！放假時間過得特別快．．．咁又放了一日假！爽！
＜食完早餐影．．．那時８號波＞
＜第二轉落街，已變了９號波，好鬼大風！＞
好～～～ｇｏｇｏ科學館啦！
