年三十，在老爸家吃過團年飯時，他還精神奕奕，還約好年初一飯茶，回家後，十一點幾時，收到他的電話，說心口好痛，不繼發冷，好唔舒服，已叫了十字車。之後通知埋大哥，就打的趕去急診室，去到時已老爸已到逹，幸好見他還清醒，醫生檢查後，由於老爸發燒，要他在觀察室內觀察，而醫院只可一個人在陪他，所以大多數時在外面的椅子等待。
等到差不多兩點多，醫生說他還在發燒，只好住院觀察，陪他上了病房，再在便利店買了一點日用品給他，回到家已差不多三點了。
年初一探他時，見他的面色已好了好多，但還有發燒和發冷，由於是假期，醫院的醫生護士好像放了假，想找個醫生問問老爸的病情都很難，最後終於問到當值的護士，但只知道要等一兩後的報告出才知道，現在只有觀察。
年初二探他時，精神已好好多，有講有笑，重好好胃口，只有少少燒，報告說也的肺部有少少陰影，懷疑是肺炎，要繼續住院食藥，留院觀察。
到了今天再探佢，由於老爸去小便感覺有點不妥，又要抽驗，可能又要住多兩三天院，幸好說他的心臟報告話正常，沒有問題。而肺的陰影亦細了，康復中。
老爸，以後真的唔好飲咁多酒和煙了．．．真的傷身！
祝早日康復！
自己亦由年三十晚病到年初三，到初四行完山後才好了點．．．真係年年新年都病，大吉利是．．．
2009年1月31日星期六
2009年1月25日星期日
維園年宵
樂仔係邊呢？
就係
維園年宵
星期四（２２／０１）
我們一家和梨ｅ，姑婆姑公一齊去行花市
今次亦都是樂仔第一次行維園花市！
今次突登選平日晚上來，就是貪佢無咁多人，
可以行得舒服ｄ，果然人不算多，起碼真係可以行埋去ｄ攤位都睇下野，
初初行的時候，樂仔唔知係咪怕羞，ｄ人係咁比ｄ毛公仔，吹氣公仔等，
佢都沒反應，唔夠膽取，但行到後段時，成個人變晒，
人比乜佢都要，還玩得好興奮，攪到ｄ人係咁ｓｅｌｌ：
”睇你個仔幾鐘意，買番個比佢玩啦”
但佢地唔好彩，遇著我這個窮爸爸，又邊有錢幫襯佢地呀！
最後行到九點半，就走人！
＜係門口影幅相先．．．．＞
＜之後出發行花市＞
＜我地一家都要影下合照先＞
＜眼鏡一族與樂仔＞
＜福到啊＞
＜玩下牛牛風車先＞
＜這裡好多風車！＞
＜睇到累累了．．＞
＜維園年宵．．．下年再黎探你啦＞
＊＊＊＊＊＊＊＊＊＊＊＊＊＊＊＊＊＊＊＊＊＊＊
自已都有成六七年無行維園年宵了，以前讀書成日約埋同學仔，
睇完午夜場，半夜兩三點去行，不過依然多人，每次都係得個逼字，
估唔到今次再去，終於可以真係行下維園年宵，感覺不同！
不過以前後生，去行維園都係貪佢夠熱閙姐！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊
雖然我係一個窮爸爸，但都有幫手消費既！
今次買了兩樣野！
＜牛牛儲物盒＆ｓｅａｔｅｒ（＄８０）＞
這個真的不錯，可以當椅子坐，裡面亦可放野，幾實用，
聽講吉之島要賣百幾，佢而家賣＄８９一個，
但姑婆用佢既ｃ９既講價能力，最終以＄１６０兩個買了
＜牛牛風車（＄１０），真的幾靚，＄１０實在低買＞
2009年1月22日星期四
用後報告-自家制門欄
還記得它嗎？
唔記得，可以去以下網誌睇睇
２４／０７／０８發表的自家制門欄一篇
這個自家制的門欄
不經不覺，用了六個月了
雖然現在已有少少的損毀
但總算是成功的一件自制用品
點解咁講
因為樂仔而家其實係可以好輕鬆就誇過這門欄
但可能佢習慣左唔入廚房
所以而家有乜事，都只會在欄外都企係度等
就算平時在家，都唔會突然間衝入去
綜合六個月的觀察
就是這個自家制木欄
測驗報告～～～合格
ｙｅａｈ
2009年1月15日星期四
2009年1月14日星期三
生日禮物
病左幾日，今日終於好番ｄ，沒有之前咁傷風，
今晚可以上下網，ｕｐｄａｔｅ下個ｂｌｏｇ。
上星期，去了加拿大旅遊的樂仔姑丈姑婆，終於回港了，
咁期待佢返黎，唔係掛著佢既手信，而係掛著佢幫手買的生日禮物，
入門級的單反－ｐｅｎｔａｘ ｋ－ｍ，
之前睇雜誌已經睇中了，但香港買實在幾貴，唔拾得買，
他們去旅行時，見到售價竟然比香港平千多元，
見平了咁多，所以托他買回來。
原本是自己比錢的，但最後樂媽話送比我，做生日禮物，
真係多謝老婆大人啊！這份禮物，好鐘意啊！
始終第一次用單反機，唔係好習慣，加上有好多野要學，例如光圈，
快門等等，對於我個新手，真係要慢慢學，
好彩有個導師姑丈，有乜唔明可以問佢！又借了本影相技巧書比我睇，
真係好多謝佢既幫忙！謝謝啊！
遲ｄ比大家睇下我影既相啦！
2009年1月9日星期五
星球飯局
菜單
湯
美顏花膠響螺燉湯
頭盤開胃醒神泰式菜包
法式牛油焗雜菌菇
蜜蜜汁脆皮焗雞翼
主菜珍寶帶子芝士伊麵沙爹金菇豚肉粉絲
惹味薑蔥炒皇帝蟹
豉汁清蒸游水白鱔
豉椒炒香辣靚花甲
蒜蓉粉絲蒸貴妃蚌
馬來亞蝦醬炒通菜
甜品葡國千層木糠布甸傳統紐約芝士蛋糕
剛過的星期六，舊同事”星球”家中宴客，
有得食，有得玩，我地一家當然出席啦！
大家睇完個菜單，係咪好豐富呢！
唔講咁多，去相睇野食先！
點解我同事叫星球，無他既，因為我地個個同事都覺得佢講既野，
做既野，諗既野，都唔似地球人，似係外星人，
特別佢講既用語，真係千奇百怪，不過就係因為佢咁既性格，
攪到我地成班舊同事成日死到碌地，返工都開心ｄ。
至於餐飯，開頭都有ｄ驚，因為一個唔食野既人，
話煮一餐比大家食，食唔食得，真係好懷疑，
但食落，雖然唔算得上好好味，但也不差，
最好味係個木糖布丁，我地成班唔夠三兩下手腳就掃走左，
就知有幾好味啦！
至於樂仔，佢都玩得好開心，有靚女ｑｑ陪佢玩，
又有機打，又有薯片食，不知幾爽！
最後再次多謝星球的晚餐！好美味啊！
有機會，要再煮過啊！
希望下次不用等一年啦！
2009年1月6日星期二
新年禮物...大大層樓
新一年，樂仔即刻送層樓比自己，大大層．．．唉！
繼上一次跌落床，撞到鼻流血後，又一次跌落床！
話說星期日早上，
樂仔在床上，在我們兩老的中間，
他太想落地了，竟然借用樂媽做支點，兩腳一彈，
越過我在外面的防線，成個飛左落床，
兩老第一時間，睇下佢點，發覺個頭起了好勁的樓！
不過樂仔都算叻仔（係奀皮），只是喊了幾聲就無事！
不過我兩老就心痛死！
訂閱：
文章 (Atom)