小孩相聚megabox

星期六，約了朋友和他們的小孩，在ｍｅｇａｂｏｘ聚一聚，

去到時，先飲個茶，之後去兒童天地逛逛，
這三小兄弟不知玩得幾開心，
估唔到ｍｅｇａｂｏｘ都有不少啱小朋友玩的地方！

之後去了這商場聖誕特別節目，聖誕維尼和跳跳虎的地方，
雖然地方唔大，但都幾多野啱一家大細影相留念。

之後正正黎埋，集齊四個印花，影幅大合照先！
不過可惜沒有一幅是他們四小幫著住兄弟裝影的相！
唯有下次再影過啦！

平安夜＠荷李活廣場

平安夜，沒有去聖誕倒數，只是去了鑽石山荷李活廣場，
因為聽過那兒有個扭蛋展，好似幾吸引，所以去逛逛。

這晚，去了ｆｏｏｄ　ｃｏｕｒｔ食晚飯，而家唔同晒，
重新裝修，變了ｆｏｏｄｒｅｐｕｂｌｉｃ，
ｈｉｇｈ左，但貴左，我們點了漢堡牛肉蛋飯和芝士吉列豬扒飯，
兩個都一般，漢堡那個就好ｄ，不過兩個餐的例湯勁唔掂，
ｄ湯比你時已經係涷的，真係有無攪錯！

商場不是只有扭蛋，還有聖誕佈置給人拍照！

場內，竟然有我鐘意的索柏，當然要影低！

咁多扭蛋機，當然要扭番一兩個啦！

聖誕第一個party

受到博友波媽的邀請出席聖誕扒地，有得玩，我地當然好樂意出席！
去到會場，真的好正啊，又有滑梯，又有彈床，樂仔不知玩得幾開心！
希望下年繼續有得玩啦！

波媽，記得下年繼續叫埋我地出席呀！


＜波波一家＞

＜正正一家都有出席＞

＜又點少得我地一家＞

＜樂仔與波仔，網上就見得多，見面還是第一次耶＞

＜有ｓｉｒ滑梯玩，樂仔最開心＞

＜彈床，樂仔唔夠膽一個人玩，要我陪才肯玩＞

生日晚餐巴西燒

去完海浪公園後，我們去了尖沙咀巴西燒烤食晚餐，
梨姨好比面，特登出來請我食飯，真係多謝晒！

至於食物，巴西燒烤真係差左好多，
以前他好多人拿燒的食物出來，但而家出黎出佢都係得幾樣，
真係麻麻，雖然沒加價，但質素下降，
都係唔會再幫襯住。

這晚樂仔好鬼興奮，特別當他聽到現場那ｂａｎｄ彈生日歌時，
不停地狂笑，好鬼ｈｉｇｈ，
有片為證，大家不妨睇下佢有幾ｈｉｇｈ！


生日歌～樂樂狂笑篇（１）


生日歌～樂樂狂笑篇（２）

Ocean Park 海洋公園遊記

２０／１２／０８小弟生日，一家和婆婆一同遊海浪公園玩，十一點去到金鐘地鐵站時，已經好多人在等專巴入海浪公園，幸好海浪公園安排了好多巴士接載，等了唔駛５分鐘就上到車，十一點半到就去到，可惜只得大樹灣那邊落車，原本我地想由正門開始玩，玩到晚上去大樹灣那邊走，現在沒法啦！

去玩！去癲！黎ｏｃｅａｎ　ｐａｒｋ！ｇｏｏｏｏｏｏｏｏｇｏｏ！

換過免費飛後（無錯，生日免費入場的優惠還有啊！），估唔到我地第一站係海浪公園的商店，因為樂仔第一時間衝入去，好開心咁周圍行，咁開心，當然要影下相，佢竟然肯拿著公仔影．．．．難得啊！

之後就入左去集古村，原來今年聖誕ｆｕｎｃｔｉｏｎ係集古村攪，唔怪得專車要係晒大樹灣這邊落啦！不過地方就唔大，一眼睇晒。首先見到有個睇冰上歌舞劇既地方，但由於太多人，都唔係唔睇了，反而入了”ｈｏｈｏｈｏ聖誕例車”，就咁睇個名，以為真係坐架火車周圍睇下野，原來只是門口放了小火車模型，之後有個鏡的通道，都算特別既，但總括來講，都係〔行〕左ｄ喎！

食過午飯後，行過三條長命的電梯後，終於上到山了，第一時間去了太平洋海岸睇海獅。樂仔見到海獅，覺得好新奇，目定口呆，之後落低一層，當海獅游過，樂仔都有ｄ驚，要抱抱！

之後去排隊上觀光搭，排就排左２０分鐘，但上去唔夠３分鐘就落番來，感覺有點兒戲！但樂仔就好鐘意，因為好多風景睇，上到去，ｄ風景真係好靚！排隊都算值得既！

繼續行，到達最想去的海洋館。每次來海浪公園，必定要去的地方，見到不同種類的魚，游來游去，是一幅好美麗的活動畫，心情都特別開心！之於樂仔，沒有睇海獅時咁驚，反而好興奮，周身郁和講ｂｂ話，像和魚媾通咁！

睇完魚，去排摩天輪，人不算多，排了１５分鐘就有得玩。自己都好少坐摩天輪，印象中都係坐過一次，今次一家人坐，感覺不錯！童真像回來了！樂仔依然興奮非常，沒法啦！又是第一次，新奇又刺激．．．

來到這邊的最後一站，萬花水母館，這館我都未睇過，入到去，被變色的水母吸引著，果然是萬花筒，美麗非常！我覺得這館是海浪公園最正的地方！

之後就搭攬車去另一邊山玩兒童王國，樂仔第一次搭攬車，當然興奮加開心啦！

過到另一邊山，原來大裝修，得番４ｄ，熊貓和兒童王國，不過唔緊要，我地目的係去兒童王國，不過行到一半，見有坐位時，比樂仔飲支飲補充體力時，佢太累啦！竟然睡著了．．．ｏｈ　ｎｏ！最想同佢玩的兒童王國竟然睡覺，無計，唯有自己行，之睇埋威威劇場等下佢醒啦！最後，樂仔真係在威威劇完時醒左，醒左，當然要去玩玩啦！

兒童王國，當然要玩迴旋木馬啦！個個小朋友都應該鐘意，不過樂仔唔知係咪剛睡醒，所以有ｄ驚！唔係好肯坐！之後再去玩下車仔，原來這裡都唔係太多野啱樂仔玩，等佢大個ｄ再黎玩過！

走時，天都黑晒，原本諗著坐免費接駁巴士去大樹灣那邊睇下燈飾，點至去到剛走了一班車，下一班要等半個鐘，咁鬼耐，都係走人去食晚飯！

今日是平安夜啦！
我們一家在此祝大家
＜＜　聖誕快樂　＞＞

******************************************************
在此多謝ｂｌｏｇ友～良美介紹咁正的整相軟件！ｔｈａｎｋ！

新景園-咖喱小廚 (LUCKY DAY)

＜些相是ｒｏｍｉ提供！＞

睇完博友ｒｏｍｉ介紹灣仔有間超好味的吉豬店，而家係灣仔返工，
咁近，ｌｕｎｃｈ當然要去試試，放１２：３０飯，行到去，
門口已鬼死咁多人等位，原本一支公找位應該好快，
但見佢外賣有特價＄２６，諗都唔諗叫左個”栗米豬扒飯”外賣，
點知外賣都要等成兩個字才有，真係好生意得佢呀！
買外賣，原來可以打定電話來叫定，之後自取，唔駛等。

買完後，去了隔離大源街玩具街買車仔比樂仔，
上次係買了架車仔比佢，佢好鬼鐘意，日日係咁玩，
出街都要拿著，所以今日去買多架特價＄１８車仔，
去到，原來得番最後一架，唔駛諗，睇一睇架車可唔可以開門，
開得，即買，點解要買開門，因為樂仔鐘意ｄ車開得門，
佢可以塞ｄ野入車內，咁樣就可以玩足成日的！

返到公司，還有半個鐘食飯！見同事未返，嗱嗱冧影番幅相先．．．

食後．．．．

ｒｏｍｉ果然無介紹錯，ｄ豬扒真係好正，好林，好夠味，
有種越食越想食的感覺，唔駛十五分鐘，就比我攪掂左個豬扒飯，
真係有ｄ唔夠喉的感覺，下次都係試下堂食，試埋佢個咖喱汁先！

謝謝ｒｏｍｉ的好介紹，我又多個正地方食ｌｕｎｃｈ啦！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

是日晚上，是公司的聖誕扒地，估唔到我這個黑仔開始轉運啦！
比我抽中了三獎

四千大元

真係開心死！我部相機有讚助啦！ｙｅａｈ！