今天避免再遲到，雖然在家出發，都是搭地鐵，唔駛驚塞車遲到。樂仔還在地鐵車內開餐食奶，唔駛去到咁趕，可以慢慢歎奶。
我們早了５分鐘去到課室，這樣樂仔都還有少少ｗａｒｍ ｕｐ，上堂前玩下玩具。之後就開始上堂，校歌，歡迎歌，這時樂仔已急不及期周圍走，這時老師就捉了他，要他坐在老師面前，他又肯乖乖地坐下一齊唱歌仔喎(真吹賬）！之後導師就會叫小朋友的名，要小朋友出去導師那裡取一個細刷，樂仔一見到，未叫佢名，已好心急衝出去，又要制止一番，終於等到叫他名，他第一時間衝出去，取完後，又出奇地取完肯回來喎！之後全部小朋友坐埋一齊，試試用手渣個試管，將水”支”出來，訓練他們手指，本來這是樂仔的強項，但才唔肯渣，係要用篤．．．唉．．．導師以為佢做唔到，還叫他回去多些練習。之後就食餅餅時間，樂仔見餅好興奮，當然唔會排隊啦（又要制止），樂仔為左食，真係乜都肯做，導師叫佢坐下才比佢，佢即刻坐下。哈哈！為食怪！其後就到玩卷腸粉，用張被包著小朋友，之後碌返佢出來，一玩到好動活動，樂仔就最鐘意，玩得不知幾興奮！之後樂仔就失控了，自己走左去搬椅子．．．
最後，導師話樂仔太不懂守規矩，要多點學習守規矩！哈哈！睇黎樂仔這奀皮仔，真係有排教．．．
＜好叻叻的倩寧妹妹．．．和樂仔是好朋友啊！＞
沒有留言:
發佈留言