要洗腦, 23分鐘時間就夠了

國民教育最近閙得熱烘烘，洗腦問題亦有好大的爭議！

不如大家用２３分鐘時間睇下以下片段，睇下用２３分鐘去同小朋友洗腦有幾易？



看罷後，雖然有點誇張，但郤好真實，對於小朋友來說，要被洗腦，真的一點都不難，
他們不是中學生，只是小學生，教師教乜，佢地就學乜（我以前細個是這樣）！
這正正身為家長的我們，最擔心的地方。

至於政府，為什麼一定要推行國民教育這科呢？
係人都知是亞公要佢地做野，要硬推這舊屎．．．．．

那天有九萬人上街反對推行國民教育，政府真的有認真聽聽他們的聲音嗎？
我想沒有，他們又是用那小修小改，轉移視線等低級招數，以為又可以過到骨，
真係笑死人。點解政府唔能先撒回，再咨詢後再推出呢？

政府說這科的內容可以學校或老師自己編定，這點我覺更加不知所謂，
你估而家老師的壓力及工作量少咩，還攪多樣野出來，你係咪想逼死佢地呀。


最後，我想問問政府，你們的國民教育科，會提及六四嗎？如有，又會怎講？

我怕有一天我跟個仔講：『不如去六四燭火晚會！』
我個仔答我：『六四係一班暴民引致的，為什麼我要去記念？』

其實，我覺得，我們需要國民德育科，多過國民教育科，人既本身的德行，
比那些愛國，愛黨，更加值得人去學習啦！

Coby Dance Show

16/07/2012 (一)

樂樂和倩寧參加了COBY 主辦的『兒童舞繽紛２０１２』，會和其他小朋友一同上台表演！



是日五鐘半就要到達會場做採排，表現時間為七點半！

樂樂今日表現比上一次好，起碼都有跟著跳下！
以下是 EDWARD 兄影的靚相，THANKS!

COBY 哥哥出場啦！

表演完！GOOD SHOW~




和COBY哥哥合照！

今次表演，對小朋友來說真的是一個很好的經驗，要上台表現，真的不容易！
樂樂，倩寧，兩個都好叻！

樂媽生日遊 Ocean Park

０１／０７／２０１２（日）

這天是樂媽生日，我們一家去了海洋公園！

生日去海洋公園，真的好低，生日那位免費！同行第二位半價！
我們只買了一張小童和一張大人（半價）！合共２７０！

入到去，樂樂第一時間睇地圖，佢最鐘意！

第一站，去新的海洋館！
但真的好失望，這個新的海洋館，睇到魚的地方實在太少，牆多過玻璃！極度失望呢！

之後去熊貓館！

點知，安安睡死左．．．

佳佳玩自閉！唉!

行下香港老大街


有架古老熱狗，可惜無得上去參觀！

最正都係有架電車，比你上去影下相！

之後玩下氹氹轉！


以前過另一面，一定要搭攬車！

而家可以搭海洋列車！


樂樂最期待的！

之後去南極天地睇企鵝，好凍，但係最正！因為外面天氣太熱啦！

係時候食個下午茶！

再去以前既兒鐘王國玩下！

由十二點幾，玩到六點，係時候走人！

晚上和樂媽慶祝生日！

Rockestra - Paul Wong

上星期五 ( 13/07/2012)，去睇了亞Paul 的演唱會 - Rockestra！

這演唱會BAND SOUND加管弦樂，組成了『怒响樂團』，未聽時以為會麻麻，
點知聽落又出奇地夾喎！好鬼正！亞paul你係得既！

演唱會唱出了亞paul以個人身份出唱片的歌，而最近一隻碟的歌最多，但感覺現場對這些歌，
反應不算太熱烈，始終都要唱番BEYOND的歌，全場才出HIGH!

金屬狂人，我是憤怒，長城等，令全場High爆！

演唱會，PAUL唱出連我都差點遺忘了的　“孩子”，超正！
另外首十八都無得頂！




至於首主題曲，紅黑，好不好聽，見仁見智，我就覺得麻麻，但作為演唱會的主題曲，
絕對合格，入晒腦！『紅黑紅紅黑，就係咁簡單』




全場最high位，當是嘉賓啦！有天與地的德斌和陳豪！少了林寶怡，第二場就有！ｓｈｉｔ！



這晚真的好享受，PAUL的落力演出，令每位觀眾都睇得開心！

幾時BEYOND會再開演唱會呀？下年有無機會呢？

後記：演唱會期間，坐我後面有班蛋散帶埋酒入場，邊飲邊睇，原本都無乜野，點知其中一個疑似飲醉了，
不繼高聲大叫和談話，影響別人欣賞，這行為實在不要得！

小學

歐國盃終於過去，以為可以休息下，郤遇上公叵的繁忙期，唉。。。。。。。。

好耐無寫樂樂的事了，一來他大個了，要寫的不多，二來自從有了ＴＡＢＬＥＴ後，要開電腦過相，
真係唔係一件易事，每晚回到家，就算要上網，最方便都係平版，無乜特別事，都不打攪電腦了。

都係唔講咁多廢話，入番正題先！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

不經不覺，樂樂下年九月就要升小一了，基於這個問題，前排老師約了我們兩老到學校傾談，
由於樂樂係一個特別的小朋友，老師都覺得一般的小學唔係太適合樂樂，
特別是一些注重成績的學校，怕太大壓力，對佢有反效果。

之後，老師介紹了幾間學校給我們，但我們不是太鐘意，除了這間＂音小＂！
這間學校，是一間基督教學校，比一般傳統的學校，比較主重學生的品德和音樂，
每個學生要學一種樂器。經老帥的推介後，我們都覺得這學校真的不錯，
可惜的是這學校是直資的，即是私校，所以學費真的幾貴，還未計其他雜費呢！
諗起條數，真係有點頭痛。

原本我們對樂樂讀邊一間小學，不是太大意見，最重要係近，方便，一切隨緣。
但經老師這之推介後，便諗著試試報考這間小學，諗著咁多人報，都未必收你啦，
收你才諗讀唔讀啦！

六月中，我們被安排面試，亦是樂樂第一次考小學，不過我們只跟他說去考觀小學，
等他不用太緊張。這天，我們沒有安排著＂飲＂衫去面試，只是一般的Ｔ－ＳＨＩＲＴ，
牛仔褲，但去到學校後，郤驚見其他的家長和小朋友，都著了華麗的＂飲＂衫。我們都嘩了一聲！

哈哈！比起他們真的著得太草根了，唔知會不會影響面試結果呢？

登記後，我們在四週參觀一番，學校真的好大，設備也很齊全，之後我們到學校的觀書館等點名，
小朋友會安排一組去另一間課室遊玩，根據樂樂的簡報，他們在課室裡做了寫字，唱歌，
感覺沒有直接跟他面試。

那即是今次主要面試係家長啦！Ｏｒｚ～

跟我們面試的老師很後生，他簡單介紹學校後，便問一些基本問題，傾談一輪，感覺良好，
起碼沒有見工的感覺和壓力，真的像一般傾談！大家傾傾下，原來那位老師以前也是樂樂那間幼稚園，
又說自己以前細個也不太喜歡說話，真的好有緣！但最有緣的，原來樂媽是識得這位老師的家姐，
真係巧合得不得了。

之後和朋友傾這次面試之行，他們都說我們不會被取錄，因為我們著得不夠莊重，被我選都不會選我們啦！
但我就覺得，如學校真的以這理由拒絕取錄的話，我也覺得不會可惜，又說自己是注重品德教育，
那如果是注重外表才選擇學生的話，我們真的不稀罕。

哈哈，其實我都諗得太多了，等他收了樂樂才諗啦！因為收了他，我想我們還重煩，因為實在太多顧慮了。
都係唔諗咁多了，到時再算！

＜好耐無打咁長篇文字。。。＞