二手煙 (舊文)

每天接送樂仔去藍田途中，總會見到一些家長接送子女上學，本是平凡的事，但有時，總會看不過某些家長的行為，就是一手拖著自己的子女，一手拿著香煙來吸，還要在他的小女面前呼出一陣陣異嗅的二手煙，當沒什麼問題般，最慘很多小朋友，都不知什麼事，不知道二手煙的問題！

這些自私的父母很可惡，完全沒想過他們小女的健康，原本吸煙是他們的自由，別人無權過問，但不可以等離開子女身邊時才食嗎？他們一時的貪方便，可能導致無限既禍害，希望這些父母在食煙前，能停一停，諗一諗！

懷中睡 (舊文)

在樂仔開始識爬後，加上自己拿著奶樽來食奶後，便沒有抱在我的懷中進睡了，每次食奶後，想抱他的時候，他便會爭扎起來，要自已睡．．．頂來他只會在我的肩膀上睡．．．

但今晚就不同了，我地如常坐小巴回家時，樂仔坐到尾段，開始眼瞓起來，已經呆呆地坐著，發呆中，心想快點逗他進睡，便嘗試抱進自己懷中逗他入睡，抱入懷後，他沒有反抗（可能太眼瞓啦！），我拍他的”師父”幾下後，但好冧咁瞓著了，這感覺就好似佢細個時，我常常抱著佢睡覺般一樣，感覺好奇妙，值得一再回味！

不知幾時才有機會再次感受這感覺呢？

昨晚的”奇”樂 (舊文)

昨晚，樂仔如常地食過粥後，在家繼續玩樂，但不知為何，在８點到的時候，無啦啦在扭計，以為他只是扭眼瞓，如常咁抱起佢，嘗試弄佢睡啦！點知不成功，還喊得越來越勁！成個失晒控咁，無論抱佢，放係床，開音樂，比水佢飲，食奶咀，無一樣野係成功的，攪了好幾個字，最後沒辦法，只好沖奶比佢試下（真的不情願，因為佢７點才食完兩碗粥），點知佢一見到支奶已收聲，一食支奶就成個人安靜了，開頭諗著比佢濕下個口姐，沖了四安，點至佢唔駛３分鐘就食晒四安，一食完就繼續嘈過．．．唉．．．唯有沖多四安奶比佢，食埋這四安，即係好安靜睡著了。還一睡，睡到第二天的早上才起身！真係服了佢！
真係唔知點解，平時佢就算好眼瞓，都唔會咁扭法，除非佢係好肚餓，但佢明明一個鐘前才食完粥，無理由會咁肚餓．．．真係唔明！佢今次真係扭到好勁，失晒控，成個人癲在咁，我地從未見過佢咁樣，嚇得我地兩老以為佢有乜唔舒服，幾鬼擔心，好彩佢食完支奶無事，還睡得好冧！
衰仔包．．．你唔好嚇我地啦！我地老啦．．．唔嚇得幾多嫁炸！

後記：多得樂仔的咁早睡，我得以繼續我地的ｐｓｐ－大蛇行動．．．哈哈！

樂樂的睡樣 (舊文)

總喜歡樂仔的甜睡的樣子，特別可愛，因為睡覺特別顯得細佬仔天真無邪的一面！很真．．．
我好鐘意樂仔在我的肩膀睡著．．．感覺好特別．．．ｓｏ　ｃｌｏｓｅ！

扭計王 (舊文)

而家個衰仔樂開始大個，成日一唔順意就扭一餐，總至一唔滿意就嘈嘈密，最叻就是掹大個口係咁叫，又扮喊，越來越百厭，有時真係無晒佢符．．．唉！
另外，現在每朝佢一醒，就會盡情咁喊，就算你抱佢，逗佢，佢都唔會蘇你，唯一解決既方法就係．．．比支奶佢食才肯收聲，以前都唔係咁，一起身，會對著你笑，過一陣才嘈要食奶，而家就唔係，一起身就要食，唔理係六點起身，七點起身，定九點起身，總至．．．．一起身就要食．．．真係大少爺！

開BLOG啦 (舊文)

攪左好耐......由個仔四個月就想開ＢＬＯＧ寫下湊仔感受，拖到而家十四個月才ＴＩＣＫ起心肝寫，希望唔會爛尾．．．嘩哈哈！