I am Legend (魔間傳奇)

最近在家附近開了一間新租碟鋪，實在開心，因為之前樓下那間執左，攪到無得租碟睇，而家有番間新，正！所以星期日去了入會並即刻租碟，最後租了之前好想去戲院睇的ｉ　ａｍ　ｌｅｇｅｎｄ！這ｄｖｄ有兩個結局版！

套戲真的不錯，特技真的出色，做出一個好真實的荒蕪城市，故事又不錯，劇情又緊張刺激。最深係隻狗死那幕，好慘！ｗｉｌｌｓｍｉｔｈ真的好戲！

而兩個結局是：
１）ｗｉｌｌｓｍｉｔｈ最後取了病毒解藥的血清，但和那班人獸一齊炸死左，　　做了傳奇英雄！

２）ｗｉｌｌｓｍｉｔｈ送番條女比人獸老大，老大都有番ｄ人性，放佢一馬，　　之後就和條女一齊去那其他的生環者！

我無去戲院睇，所以唔知大家睇的是那一個結局，自己就鐘意第一個結局，死了，但救了世界，好似貼近個戲名ｉ　ａｍ　ｌｅｇｅｎｄ！

碟２還有好多花絮睇，如點整出這個荒蕪城市啦！大家得閒可以租來看看！

陽光與沙灘

未有樂仔之前，每年夏天，都會和朋友去享受一下陽光與海灘，苦等兩年，今年終於可以帶埋樂仔去海灘，一家和朋友一同享受夏天的樂趣！好正！

這天，天氣真的酷熱，ｄ沙係辣腳，幸好朋友一早租了大陽傘，唔係實晒濃。開頭樂仔落地接觸到ｄ沙，不知幾驚，係咁想整走佢，還驚到喊起上黎，氹了好耐，佢放心再玩，ｗａｒｍ　ｕｐ完一陣，還愛上玩掂！最後還玩到一頭沙，之後再出去玩下海水，最初係岸邊玩下，其後都可以行深少少玩，但就死都唔肯坐水泡玩，可能第一次啦，比較驚ｄ，希望樂仔下次會好ｄ，今次影ｄ相都係無乜笑容！激死！

期待下次的陽光與海灘之旅！ｙｅａｈ！


＜玩沙沙先＞

＜初次下水，有點驚驚＞

＜一上車，就累到睡著了＞

自家制門欄

而家樂仔識行識走，又四圍攪野，特別一些唔比去的地方，佢就最鐘意入去攪攪振。而家中的廚房，由於沒有門，樂仔經常走入去攪垃圾筒，所以最初想買門欄回來阻止樂仔，但一去玩具反斗城望望，要成四五百，真在太貴，見家中有一個已不用的舊木鞋架，就試試用來做一個門欄，如失敗的話，都無壞呀！
所以這兩天的晚上，沒有上網，一邊睇衝上雲霄，一邊整，終於昨晚完成了，大家睇下掂唔掂！


原本的木鞋架

這是第一晚完成部份的制成品

第二晚的完成品

最後在突出來的角位加上防撞膠！完成ｙｅａｈ！

不過這門欄，還未經過樂仔的撞擊測試，未知可不可靠，測試報告稍後再講比大家聽聽！ｈａｈａ！

兩天的扭扭樂 (舊文)

樂仔不知係咪食了成星期西藥，個人比較燥，加上星期六咳到嘔了兩次奶，又無乜點睡，個人容易忟忟僧僧，攪到這兩天的假期，又做扭扭樂。他可以這一秒和你玩得好開心，但又可以一秒後喊得好厲害，扭得好厲利。最慘係佢還未識講野，未識表達佢的不滿，只能不停地扭，喊來表達，所以有時佢見我地唔明佢想要乜，就會更加忟僧，我地睇見佢咁樣，佢辛苦時我地湊佢又辛苦！

好彩ｄ藥昨天已食晒，今天如不是太嚴重，都是停一停，不看醫生了，待他慢慢康復好過！所以食得西藥多，都唔係咁好！


＜病到懞懞地的樂仔：我係度做緊乜呢？好煩腦！＞

三個齊病 (舊文)

昨天我們一家三口齊病了．．．

星期二，樂仔無啦啦係咁流鼻水，睇了醫生後，情況好轉，但星期四變為咳，昨天要睇多次醫生，幸好醫生說沒太問題！至於老婆，星期三開始感到有點唔舒服，星期四開始流鼻水不止，已經頂唔順要睇醫生，但昨天還沒好轉，要再睇醫生轉藥。而我呢！本來是最精神的一位，但昨天一起身就黎料，同他們一樣，係咁流鼻水，回到公司要和紙巾一起渡過，幸好食了兩次感冒藥後情況好轉！

由於我兩齊唔舒服，昨天只好將樂仔留在外母家過夜，以免再次三個交叉感染，今早醒來，老婆和我好番好多了，她的精神明顯好左，而我亦沒有流鼻水了，希望我們三個齊齊好番．．．今天還有我們定好的節目啊！

波仔．波歷克 Ballack

Michael Ballack (波歷克）

1976-09-26

189 cm (6ft 2in)

Clubs:

Chelsea FC (since 2006)              <44games   - 12goals>

Bayern Munich FC (2002-2006)  <107games - 44goals>
Bayer Leverkusen (1999-2002)   <79games   - 27goals>
Kaiserslautern FC (1997-1999)   <46games   - 4goals>
Chemnitz FC (1990-1997)
Karl-Marx-Stadt FC (1986-1990)
BSG Motor "Fritz Heckert" Karl-Marx-Stadt (1983-1986)

Awards:
- 2008

Euro 2008 Runner-Up (National Team)
Champions League Finalist (Chelsea FC)

- 2007
FA Cup Winner (Chelsea FC)
Carling Cup Winner (Chelsea FC)

- 2006

World Cup Semifinalist (National Team)
German League Champion (Bayern Munich)
German FA Cup Winner (Bayern Munich)

- 2005

German League Champion  (Bayern Munich)
German FA Cup Winner  (Bayern Munich)
Germany's Footballer of the Year
Winner of the "Bambi"-Award
Shortlisted for the "FIFA World Footballer of the Year" Trophy

- 2004

German League Cup Winner  (Bayern Munich)

- 2003

Germany's Footballer of the Year
German League Champion  (Bayern Munich)
German FA Cup Winner  (Bayern Munich)

- 2002

World Cup Runner-Up  (National Team)
Germany's Footballer of the Year
Best Midfield Player in Europe (UEFA Club Football Award)
Champions League Finalist  (Bayer Leverkusen)
German FA Cup Finalist (Bayer Leverkusen)

- 1998

German League Champion (Kaiserslautern FC)

還記得第一次聽波歷克的名字，是２００２年他取為利華古遜取得三亞王，同年的世界杯，德國被一致睇淡的情況下，馮著波歷克出色的表現，帶領德國闖過重重關口，打入世界杯決賽，可惜他在四強對南韓賽時中，一個無謂的欄截，令他累積了兩面的黃牌，無緣在決賽上陣，缺了狀態大勇的波仔，德國亦無力和巴西一戰，最終以０：２失落了世界杯！他取得四亞王，成為一時佳話！不過波仔這次出色的表現，鄭定了他在國家隊不可缺的重要一員。

２００２夏天，波仔轉會至我最鐘意的拜仁，使我更加欣賞這名中場發電機。他在拜仁的四年裡，他擴闊的球場視野，中場的派牌能力日漸成熟，已成為拜仁陣中不可劃缺的一人，他的表現好與壞，絶對是球隊成敗關鍵，但由於實在太重要，球隊一表現差，就成為猛烈批評的對象。

無論點都好，他在四年來，為拜仁取得三次德甲聯賽冠軍，三次的足總杯冠軍，就足以證明你對拜仁的貢獻！你足以入拜仁的明人堂了．．

為了支持波仔，０６年，我買了一件拜仁球衣，我印的．就是波仔！

０６年夏天，你以自由身轉會到車路士，當然真的有點唔開心，點解要離開拜仁，不過你的離開，是因為想追尋更高的足球水準，我們是會體諒你的！你加入車仔的第一年裡，因為傷患，發揮得不太好，但今屆的下半季，你終於發揮你的實力，多場的比賽中，為車仔射入致勝的一球，但無奈又一次地失落了聯賽冠軍的寶座，最後連歐聯都輸埋，又一次成為球隊三亞王。

０８年的歐洲國家杯，波仔再次以隊長身份出戰，可惜路夫的無能，加上德國隊發揮不出兩年前世界的水準，你又一次成為亞軍，和８年前一樣，四亞王，看見你望著獎杯的笑容，你是苦笑，定是看化呢？

最後，當然恭喜波仔你小登科啦！和已為你生了三個小孩的太太結婚，實在恭喜晒！希望這次結婚為你沖喜下！下年為車仔成為三冠王！

舊之相片 - 樂之沙龍照 (舊文)

樂仔看過醫生後，醫生說他的鼻子沒問題，總算安心下來。

沒事咁開心，比樂仔９個月大時影的沙龍照大家睇下，

睇下大家鐘意邊個ｌｏｏｋ多ｄ？


＜警察ｌｏｏｋ＞
但有人話似實Ｑ．．激死！

＜廚師ｌｏｏｋ＞有少少似．．．因為廚師多數都係肥肥地．．．ｈａｈａ！

＜波牛ｌｏｏｋ＞出動私火德國波仔老翻球衣．．．型呢！

＜消房ｌｏｏｋ＞
救火啱樂仔．．．因為佢成日ｂｕ口水！

＜騎呢怪獸ｌｏｏｋ＞
雖然怪左ｄ，但都幾得意呀！