我撐你。路邊攤

老ＢＬＯＧ友～路邊攤出書，當然要買本支持下啦！加上佢畫Ｄ畫和故事都好好睇！唔買唔得啦！大家有興趣都買番本來支持下！

路邊攤，可否幫我在這本書簽名呀！？

有興趣請上

路邊攤ＢＬＯＧ望望！ＴＨＡＮＫＳ

樂．九龍公園

２１／１１／０９（六）

早上做完治療，在等樂媽放工食ｔｅａ　ｂｕｆｆｅｔ，走左去九龍公園玩番轉，第一次和樂仔去九龍公園，帶他去睇雀，點至佢行過就算，望都唔望多眼！激死！

都係遊樂場啱佢，入到去當然是玩玩玩！之後去食麥記醫肚，再玩多一陣，再去恒豐食ｔｅａ　ｂｕｆｆｅｔ，那裡除了ｍｏｖｅｎｐｉｃｋ雪糕好味之外，其他真係唔多掂！

樂．獎門人估歌仔

樂樂唱歌，總覺得好似獎門人中的「超級無敵估歌仔」咁！

你估下佢唱乜唱？（估中無獎）

井岡山之行(下)

１４／１１／０９（行山星期六）<續篇>

中午在酒店食過午飯後，再出發去另一景點！【彩虹瀑布】

今次真的要行山了，全程大約一個半小時！沿路滿是森林！

幸好這是旅遊景點，原路已鋪了石級，所以行得不算辛苦！

大家猜下？這是什麼東西！？

終於到達彩虹瀑布啦！可惜由於沒有陽光，看不到彩虹出現。
據導遊講，如有陽光的話，可以見到９至１０道彩虹。
真係可惜沒有陽光，看不到彩虹，這瀑布變得好普通，
自己覺得和香港的新娘潭差不多，哈哈！

這石似不似獅子望著個天呀？　這石叫獅子觀天！

繼續行山，如果落雪的話，這裡變成雪山，就更加美！

行了一個半小時多，終於差不多行到終點啦！但點解係無路走的？

原來係坐大飛著草走～

嘩！好似開得好快喎！還學人掟灣～

船家，可唔可以開慢點呀！我暈船浪呀！

終於平安低步！現在諗番，隻船都幾危險，佢咁既設計，
一翻艇的話，左右和頂都封左，無得走，實浸死！幸好沒事發生！

井岡山景點經常都有這大型簡介！

提霸！壯觀嗎？

主峰隧道！這隧道真係勁！勁左佢入面係無燈的，還是兩線行車，
黑暗中見到有對頭車好似撞過黎咁，你都咪話唔驚！

井岡山出名的五指峰，我地終於到達了～ＹＥＡＨ！（可以回酒店啦）

四天行程，點解得兩天就完結！無他的，因為第三天開始下雨，得番一至兩度，超級凍，真係無心機影相，加上第三天一早，搭了六個鐘車去南昌，在高速路時落大雨，還差點炒車，攪到唔夠膽睡！呆坐咁多個鐘，去到南昌，只參觀了騰王閣，之後就回酒店休息！

第四天，早上離開酒店，搭飛機回深圳，就更加無野好講！所以主要都係得兩天行程，可以比大家睇睇！

後記：
有沒有發覺我沒有影過食物照，原因好簡單，因為無啖好食，井岡山的人食方面偏辣，還要係好辣那種，八味餸可以有六味是辣，曾經有一餐，有一隻烏蠅飛落了一碟炒豆既餸裡，牠以為有野食，點知佢一食完，就即刻辣到反肚，大家就知有幾辣啦！哈哈！

今次井岡山，由知道那刻已經唔想去，但無奈公司制度，唔去唔得！幸好今次可以睇到咁靚既雲海，都算值得一去！

另外今次旅行真的好健康，每朝早上七點起身，六點食晚飯，九點睡覺！真係健康到爆！下次再有咁既交流團！都係咪攪我！唔該！哈哈！

井岡山之行(中)

１４／１１／０９（行山星期六）

七點起身，七點半食早餐，八點鐘出發去『筆架山』景區。

原來這裡有漂遊玩，但咁鬼凍，要落水，都係咪攪！

之後去坐筆架山索道攬車，全程要坐２５分鐘，這索道攬車全長５０００米，
和香港的３６０差不多，但車箱就細過３６０那架，每架只可以坐８個人。
由於香港未坐過，感覺都幾好，可以一覽筆架山的山景。

坐了差不多二十分鐘，差不多到達山頂之前，會進入雲霧地段，
能見度得番好少，車箱被濃霧包著，感覺好似電影ＴＨＥ　ＭＩＳＴ一樣，
都幾恐佈！

落車後，就要行山，但不是太遠，大約２０分鐘的路程！

沿路都要樹林，如果是五月來的話，會見到十里杜鵑！可惜今次看不到！

終於到達另一個驚喜！【筆架山雲海】！
今次是早上，沒有陽光，感覺和前一天的雲海不同！但依然十分狀觀！

之後行回落山，再去另一個景點！今次真係要行山了！
（待續）