『樂』與「我」: 10月 2011

2011年10月26日星期三

樂．羅sir 畫 66

２２／１０／２０１１（六）

以前星期六，我們沒有安排興趣班比樂樂上，所以有時都唔知去帶樂樂去邊樹玩好，但最近改左星期六去羅ｓｉｒ到學畫畫，之後再跳ｃｏｂｙ　ｄａｎｃｅ後，星期六變得很充實！樂樂也多了時間與同年的妹妹和奕奕相處，感覺也進步多了，現在有時都會問起妹妹和奕奕的事！

最攪笑係前幾天同我地講，我下年要同妹妹結婚，之後一年再同奕奕結婚！
小朋友的天真無邪．．．．真係笑死我！

（這天妹妹慢熱的性格無了，十分鬼馬！）

跳完舞，奕奕去睇中醫，我地就同妹妹去麥記醫肚先！
你睇．．．妹妹幾豪邁！

這幅相．．．我好鐘意！好有爛仔ｆｅｅｌ！哈！

羅ｓｉｒ最近舉辦了一個名為：
『共融，關愛，不可思議，千人繪畫展』的活動！
會在旺角行人專用區，免費幫人畫人像，之後會開畫展！

羅ｓｉｒ攪活動，我地當然要撐場啦！
晨早去到，排頭位，等畫頭像！

開始畫妹妹啦！

似妹妹嗎？
我就覺得似，特別那個眼神！

到樂樂啦！

樂樂的，又似唔似呀？
我都覺得似的！如果樂樂肯笑比羅ｓｉｒ畫，我諗會更靚！
ｔｈｘ！羅ｓｉｒ！

2011年10月25日星期二

MTR 經典動漫系列 - 星鬥士星矢

成日都會見到地鐵會推出紀念車票，但無乜邊款會毒到我去買，但今次的經典動漫係列的星矢，
見到廣告後，真的被佢毒中左．．．

聖門士星矢，是十幾廿年前，自己死追難追的一套卡通，『天馬流星拳』，『鳳翅天翔』，
『盧山升龍霸』，明知十年如一日的打鬥方式，但以前細個，就係鐘意有招式既打架，咁才叫型！
加上套套卡通都係咁，最緊要熱血！ (cool)

有三張票，五位主角：冰河，紫龍，星矢，一輝，亞信！

這套地鐵票，其實我最鐘意係這個鎖匙扣，因為我對 Q 版特別喜好！

2011年10月24日星期一

ROBOCAT by 肥氏

（攝影自am730日報）

最近愛上睇 730 日報的 ROBOCAT 的漫畫，實左夠晒低死！ (laughing)

2011年10月23日星期日

給老媽的信<六>

老媽子，

今年第六年寫信給你了，今年過得如何呀？打牌有無贏錢呀？

六年啦，沒有了你六年啦！生活也慢慢習慣，但沒有你在身邊，總覺得有些缺憾！

人大了，加上做左人老豆，就更加明白做人父母辛苦，艱難，又更加令我後梅當年沒有好好的孝順了。
還經常覺得你煩，你會嬲我嗎？

人老了，最近成日努力去想，想想我兒時和你的生活，但怎樣想，只想到一點點，但足以令我感到開心。
找天，上回老家找找舊照片，再懷念一番！

講下自己先！不經不覺，大病後都一年了，最近身體不錯，生活上自己都改善左不少壞習慣，
我會好好養好身體，不用太貪心我啦！

你知唔知呀！今年我們一家又遇到奇遇！我們一家去日本時，撞上日本大地震，幸好有好多有心人幫忙，
我們一家總能平安回港，雖然好像有危險，但郤是一個難得的經歷！我們這麼的幸運，
我相信一定是在天上好好的看守著我們！

至於你個孫，樂樂，個衰仔包又長高左啦！就黎到我心口啦！五歲人仔都唔夠，遲多兩年可能高過我了！哈哈！
佢講野方面，又進步左，而家有時同佢講野，笑死我地兩老！哈哈！

今年講到咁多啦！我星期日約了亞龍一家去探你，到時再同你傾傾！

子。祥上

＜２２／１０／２０１１書＞