０７／０１／２０１０（四）～ 麵包超人館遊：
這天９：３０出發，所以睡得８：４５落去餐廳食早餐，第一天食，感覺不錯，但之後三天都係食同一樣野的話，咁就～～～
食過早餐後，出發今日第一個目的地＂麵包超人館＂，不過今天正家離隊，有別的地方去，所以今天只有四小福車隊！
自己第一次搭日本既地鐵，真係頭暈眼花，都唔知唔搭既乜線！
我地買了這個ＳＵＩＣＡ，類似香港的八達通，唔夠錢增值就得，好多線都用得，一郁就過，唔駛下下買飛咁麻煩！（但最後退回時要比２１０日元手續費）
樂仔搭地鐵就最開心，周圍望，唔肯睡，其他三小福就趁機小睡差電！
大約四十五分鐘的車程，之後再行十五分鐘到（途中要問路），就到達麵包超人館，遠睇真係幾似大大間鐵皮屋！
門口影番幅相先！好鬼曬！
入到去，當然都要影幅大合照先！
先去三層樓高的玩耍區玩下先，門票大小同價～１０００日元。
門口有個大麵包超人，當然係影相位！
入到去，全部都係麵包超人和他的朋友等等，真的好靚，就算唔係麵包迷，大人小朋友都會著迷！樂仔就最鐘意玩ＳＩＲ滑梯和掟波波，玩到唔肯走！
玩晒三層，無半日都玩唔晒！所以我地玩完都差不多兩點！係時候去醫下肚先！
主題餐廳太多人，都係唔等了，大家決定買包食就算。
你睇，樂仔睇到個包，幾興奮！
我地一家就買了這三款不同的包食：
（左上：五目豆腐飯團包～３６０日元，超好味）
（左下：麵包超人角色麵包～每個３００日元，賣相超靚＋好味）
（右圖：麵包超人菜肉包～１６０日元，細細個，味道不錯）
你睇樂仔食得幾滋味就知個包好好味啦！
食飽飽後，ＳＨＯＰＰＩＮＧ下，就走了～～
小朋友玩完，係時候到大人啦！大人做Ｄ乜，當然去ＳＨＯＰＰＩＮＧ啦！
（待續）
