２５／０５／２０１０（二）
某天搭地鐵時，看見一位母親，叫他的三歲兒子摺回他整亂的外套，那小孩真的有板有眼地嘗試去摺回。回家後同樂媽說回這事，樂媽得閒都要教下樂仔摺衫先！
這天樂媽見特價，買了幾件背心底衫給樂著，順手教教他摺衫先。
摺了兩次，樂樂摺上癮，還找埋樂媽和我一齊摺～哈哈！最後一家齊齊摺！
2010年5月28日星期五
2010年5月25日星期二
化療~#1療程 Day1
化療，第一針，ＤＡＹ１（寫在ＤＡＹ８前一天）
終於開始化療了，這天大嫂請了假陪我（謝謝大嫂），九點去到，等了一會，先食了一粒止嘔藥，之後就開始插豆，為吊針而準備。
先吊第一隻藥，名唔記得了，吊太約半個鐘就完成，休息半個鐘後，吊另一隻＂正帕金＂，這藥要吊個半鐘，這隻的副作用係會嘔的，一開始吊一陣，就感覺喉嚨有少少作悶，副作用真係咁勁，好彩有粒止嘔藥頂住，唔係一定嘔左。
吊完針的七日裡，真的好感恩，暫時沒有有太大的副作用發生，明天便吊ＤＡＹ８的一針，希望會ＤＡＹ１一樣，無乜副作用啦！
再給自己打氣！加油！～～～～～
2010年5月24日星期一
2010年5月20日星期四
樂．五小福遊東京DAY4 (下)
最近睇番一月份的日本之旅，原來寫到第三天就脫左期，而家得閒，係時候出動再寫番這次一月份之日本之旅了。
０９／０１／２０１０（六）
食完個麻麻地既午餐後，上去天台觀景台睇下個農場全景先，
今日咁好天，真係幾靚！
之後去農場的遊樂場玩下，坐下船仔，走之前當然去濕平吓啦！
玩到下午三點幾，係時候回程，等巴士時，同婷婷合照先！
就是這個舊式的車站，佐貫町駅！
見到那兩條樓梯嗎？回程都要搬車，因為有四小福睡著了解
四小福搭搭下巴士就睡著，得午餐時差左電既軒軒無睡！
下一個行程係＂志村板上駅＂，去平民百貨濕平，但去到已天黑了！
去到唔理咁多，去Ｍ記開餐先，日本Ｍ記真係比香港好食好多！
玩左成日，樂樂個樣都殘殘地！
返到池袋，見到個小食店車，當然要拍照留念啦！
之後去食宵夜，今次食壽司，１００日元一碟，一分錢一分貨，
所以只能講低食！不過無下次！ＨＡＨＡ！
明天搭下午機回港，係時候拍低戰利品！
由樂媽負責拍照和收拾行李！哈哈！
多謝收看，待續！
ｄａｙ４
樂．五小福遊東京DAY4 (上)
ｄａｙ３
樂．五小福遊東京DAY3 (下)
樂．五小福遊東京DAY3 (上)
ｄａｙ２
樂．五小福遊東京DAY2 (上)
樂．五小福遊東京DAY2 (下)
ｄａｙ１
樂．五小福遊東京DAY1 (上)
樂．五小福遊東京DAY1 (下)
2010年5月18日星期二
樂．五小福遊東京DAY4 (上)
最近睇番一月份的日本之旅，原來寫到第三天就脫左期，而家得閒，係時候出動再寫番這次一月份之日本之旅了。
０９／０１／２０１０（六）
這天很早起身了，因為今日要遠行，去好遠的媽媽農場。今次要搭內房特急，所以好趕，走左一班，有排等，所以食完早餐，就趕趕趕上車，終於趕上這班特急車。
搭了差不多一個鐘的車程，要落車，再轉車，等車時四小福影下相先！
搭咁多車，樂仔都搭到呆晒！
搭左咁耐，終於到了＂佐貫町＂站啦！又要趕巴士，點至個係舊式站，無電梯，還要有兩條長長的樓梯，又趕又要搬車，救命呀！
幾經辛苦，總於上到車，之後就開始研究這個車價表，係點計呢？
（而家我都唔記得點計了～～哈哈）
再搭多一程農場專車上山，到達ＭＯＴＨＥＲ ＦＡＲＭ啦！
去到，第一時間去睇＂鴨仔步操＂先！
鴨仔黎啦！
鴨仔係會走埋你隻腳到，但樂仔一見到鴨仔走埋黎，點知佢用腳踢走佢。
睇完鴨仔，去搭狗狗車去我地最期待的節目～～渣牛奶！
你睇，樂仔未渣牛奶已興奮！
渣牛奶只係１１：００～１３：００，過左就無啦！
到我地啦！我和樂仔一樣，都係第一次渣牛奶！
你睇樂仔，幾開心！
之後去睇賽豬仔！
時間差唔多，係時候醫肚，但這間餐廳既食物就真係麻麻！
訂閱：
文章 (Atom)