9週年

２２／０３／２０１２（四）

不經不覺，今天是結婚九週年了！

大日子，點都要買ｄ野送比老婆既！

神奇保鮮蓋

上年去日本時，睇電視見到介紹１００日元的產品，
排第一位是，保鮮蓋，只要蓋上容器上，就不用倒瀉，簡直和保鮮紙一樣。

見咁得意，在日本時特登去１００日元店到找，點知已經比搶購一空。

早前，見團購有得賣，一套四個只係＄２８蚊，都ｏｋ喎！
一於買回來試試！

這下反轉會不會漏水先，又不會漏喎！正！
以後保鮮方便好多，又環保！

Drawing Something

你DRAW左未呀?

最近大熱的GAME，你會發現，最近身邊人不地係咁對著手機不繼畫畫的話，

千奇唔好覺得怪，因為佢已經迷上Drawing Something！

當然，我係度講得，我當然都中左毒啦！

所以而家日日都係咁畫畫畫！

以下有Ｄ圖係我畫，有些係朋友畫比我估，大家又估唔估佢地畫乜呀？

其實有些人，夠膽死將個答案都寫埋出來！激死呢！

這個畫得咁好，一定估到啦！

我覺得自己畫得最好的一幅畫！靚嗎？

Toi 北海道米比薩

最近去了這間【Toi 北海道米比薩】食，味道真的不錯！

先來個茄汁漢堡蛋包飯！
賣相不錯，不過隻蛋過濕，導致口感差左ｄ！

天婦羅蝦米比薩
隻蝦好大隻，好脆，正！第一次食米比薩，又幾好味喎！

由於以上兩碟份量比較少，唔夠三個人，所以點多一樣！

帆立貝大版燒
我一直想食大版燒好耐，今次見到，一於試下，真的好味！

這間ｔｏｉ食物真的不錯，應該會再食！唯一缺點係上速度超慢！

桃姐

１３／０３／２０１２（二）

昨天看了桃姐。實左好好睇的一套電影！

雖然沒有超感動位，只是一個平淡的故事，但那種平淡，郤給人另一種的感動！

用英文戲名形容這套戲最為不過，Simple Life 簡單生活，就是這樣。

平淡，但細膩，人與人之間的關係，值得令人深思。

看這套戲令我想起老媽．．．．．．

葉德爛當然做得好，但我自己更欣賞劉德華的演出！

他們演兩（乾）母子真在最適合不過，他們實在太夾了。

完場時，我聽到有些人說很悶的戲，無錯，在某些人在講，平淡細膩，就是悶．．．．．．．．

故事

桃姐是侍候了李家數十年的老傭人，把第二代少爺 Roger撫養成人。Roger仍然獨身，留在香港居住和工作而桃姐也繼續照顧Roger，成為習慣。

一天桃姐在家中 不知覺間暈倒，醒來時發現自己身醫院據診斷是中風了，必須利用物理治療儘量恢復活動能力；桃姐向Roger提出代她找一家老人院住下來。

Roger在百忙工作中為桃姐找合適老人院， 桃姐出院並獲送到老人院，在環境陌生，院友怪異的情況下，桃姐強裝鎮定，Roger 趕至照應，桃姐更表現一 趕至照應，桃姐更表現一切應付自如。

Roger工餘時常到老人院探桃姐，主僕閒話家常一如母子，仍保持互相揶揄調侃習慣，桃姐嘴硬心甜，院友羡慕。 Roger母親回港渡假更帶備手烹調的燕窩到老人院探望桃姐，友為之豔羨。 Roger母親與桃姐同年，待猶如親人，只是偶有對Roger戲言他與桃姐的情誼猶勝母子。

Roger更特意帶桃姐參加電影首映禮，桃姐首次刻意打扮準備，取收藏已久的名貴衣服出發赴會，院友也不禁讚美；首映禮上桃姐大開眼界更終有機見到電影明星，桃姐感嘆自己有生之年已無憾...

樂．第一次賣旗

１０／０３／２０１２（六）

剛過的星期六，我和樂樂都作出人生的第一次！
第一次去賣旗！

這天太約１０點到去到旺角，走上行人天橋，就開始兩父子的賣旗之旅！
樂樂不是一個怕羞的小朋友，所以叫佢去問人買旗，問題不太，
但佢有時問人的語氣就差左ｄ！要不斷提點佢！

其間，有一些善心人士，見到樂樂賣旗，會主動前來買旗，樂樂不知幾開心，
貼完旗，還笑笑口說：『多謝晒！下次再見！』
個個聽完都笑住回答：『拜拜！』

不過有些人的態度真的好有問題，你問他可不可以買支旗，他們可以當見不到你，
眼睛望都不望，直行直過，當你不存在。其實唔賣旗姐，你只要搖個頭或說聲不賣了，
都沒有人話你，為什麼要做到咁絕呢？

這天的賣旗，都算成功，在時間不多的情況下，都賣出六十個旗，算係咁啦！

見樂樂咁乖幫手賣旗，所以這天特別帶他到哈根大食雪糕，獎勵一下！


有得食，笑到呀！



我們點了心花怒放，六球雪糕，雪糕味道自選!

 

 

311 一週年

 

１１／０３／２０１２（日）

上年的今天，是日本大地震，我們一家這天也在日本，感受到地震的可怕，
也感受到日本人的守序，日本人的樂於助人，所以感受良多！

今天是３１１的一週年，知道日本還有很多的災區還未重見好，
很多災民還未能重見家園，還要受到種種的困難！

所以在此，祝福日本能克服困難，重見笑容！日本加油！　

相關網誌　＜幸運的我們＞
http://blog.yahoo.com/matthus/articles/17325/index?bb=0


ＦＡＣＥＢＯＯＫ相信大家都有，而家＜元氣＞有捐款活動，
只要有大家入去ＬＩＫＥ，再留下祝福語，元氣就會捐出＄７，
大家快去支持一下！ＬＩＮＫ如下
http://www.facebook.com/photo.php?fbid=10150645551566870&set=a.169148436869.120757.169146366869&type=1&ref=notif&notif_t=photo_comment&theater

數字油畫

最近樂媽有新玩意！係陶寶訂了『數字油畫』來玩！

一玩就上癮，每晚不停係咁油油油．．．．

數字油畫係乜東東！聽個名都己知一二！

就係教你畫油畫，你只要跟著數字來油，就會畫出一幅好靚的油畫！

顏色上有數字！

而畫上都有數字！


１號數字油１號顏色

這是差不多的完成品！

這是之前完成品！靚嗎？

另外，還入了小朋友畫的！不知樂樂鐘唔鐘意呢？

CAFE TOO

２６／０２／２０１２（日）

搭人力車觀光巴士那天，我們在金鐘下車，去左食香格里拉酒店裡的 Cafe Too 食 TEA BUFFET！

TEA 當然無咁多野食，但以這個價錢來，這食物水準絕對可以接收，加上中銀有８５折，不錯不錯！

開頭以為星期日食ｔｅａ一定好多人，又係喎！成個場得一半客都不夠，都好喎！
無咁逼，輕鬆咁食番餐，爽呢！

大家估下這是什麼？

原來是餃子，又幾得意喎！味道還不錯！

鬆餅，麻麻！

印度烤餅，好味，但好大舊呢！

樂樂急攻一輪，休息下，玩下新玩具，RUSH HOURS！

芒果糯米飯！樂媽話好正！

雲耳蒸雞，超正！細細件，無骨，我食左三碟！

係時候食甜品！
這個賣相不錯，但味道就．．．．

賣相差的，反而超好味！

還有沙冰食！爽！

最後食埋雪糕！正！

這杯是我的，自己加ｍ＆ｍ和朱古力係面，好食好多！

而家出街必帶的！巴士部隊！