Last Day

２８／１１／０８（五）

是小弟在公司的最後一天，要走了，真係有少少唔捨得的感覺，

話晒都係度渡過差不多兩年時間，在這裡，

真係要好多謝之前的大哥大姐好睇住小弟，

比左好多機會我，令我在這公司學到好多野！

真的好謝謝你們啊！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

原以為自已最後的一星期，會好遊閑，

點知原來自己已是公司的雜務，

霸著好多野來做，要交底，好像交極都交唔完．

加上要做好埋手上的手尾，攪到最後一個星期，

依然忙到死，連最後一日都唔可以準時走，

真係．．．唉．．．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我走後，公司不打算請人，由同事幫手頂埋我那份，

他們已經多野做，真的不好意思，

好像自己的離去加重他們負擔咁，

小弟在此向他們說聲”對不起”！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

下星期返新工，又要開始迎接新挑戰，

希望自己能捱得過啦！

加油！

再次元朗行＠ＹＯＨＯ舊同事聚

上次九月入元朗和舊同事的聚會，大家都玩得好開心，

所以事隔幾個月，再攪聚會，

在剛過的星期天，去另一個舊同事家中會所ＢＢＱ，

這天也玩得好開心！

這天照舊先飲茶，今天樂仔用了新水壺，

佢貪新鮮，係咁飲水，

而ＱＱ見到樂仔好鬼開心，

樂仔當然奉陪到底．．．玩過夠！

最後走時，見咁齊人．．．

當然來個大合照！

飲茶後，便步行向ｙｏｈｏ出發，

今天樂仔出奇地肯行多左路，

唔駛抱，爽啊！

上到朋友家，樂仔已網自己屋企般，周圍攪攪震！

休息一會，便開始這天的節目。

先去唱ｋ和碌齡，

樂仔見到我地碌，佢好新奇，

咁就比佢試試碌齡，佢又識將個波推出去喎！

打完還自己拍手讚自己，真係吹賬！

碌完齡，就係會所ＢＢＱ，環璄都不錯，

不過大家都唔係在意食，只是大家坐底閒談一番，

聚聚舊，都一樂也！

走前．．．當然都要來個大合照啦！

亞so - 英式西多 (失敗作)

睇完亞蘇教整英式西多

已經想試試整

加上睇到ｂｌｏｇ友ｍｒｓｌｅｕｎｇ整完

就更加想試試

但自己又唔記得亞蘇點整

所以請教廚藝高手ｍｒｓｌｅｕｎｇ
＜相關網誌 - 温暖牌早餐 一 西多士,亞ＳＯ's麵包頭 pancakes＞

在此ｔｈａｎｋｓ　ｍｒｓｌｅｕｎｇ幫忙

星期日，出發元朗之前，就試試整這西多士先

＜煮法：由ｍｒｓｌｅｕｎｇ提供＞

（１）方包切边,然後再切成三角形

（２）將蛋,奶,同糖打起（一隻蛋２tsp糖）

（３）然後張方包浸落蛋汁

（４）用半煎炸方式煎炸浸好嘅方包

（５）煎好趁熱立即放牛油

又一次失敗之作，唔知係咪落得少糖，個西多都幾淡下

加上驚佢燶，好快就拿走攪到個西多芯比較軟

沒有咬口，食落感覺係差ｄ

失敗！失敗

唯有下次再努力改進啦

＜最後再次多謝ｍｒｓｌｅｕｎｇ幫忙，謝謝！＞

ROCK得起!? <拉闊變奏廳-kay>

之前睇到兩個ＢＬＯＧ友介紹話好正，心思思買，

星期六經過見到，當然要買來睇睇！

星期日早上睇了,

真係正！

好聽好睇！

估唔到佢唱金屬狂人都掂！

＜勁＞

連樂仔都睇一齊UN！

不再多介紹啦！

自己買隻來睇睇！

最後比個ＴＲＡＩＬＥＲ大家睇睇！



Kay Tse 謝安琪 拉闊變奏廳 Trailer

樂與韜

剛過去的星期日，其實我們一家約了朋友，

再次去探好友的小孩－熙熙，

但去到，熙熙實在太受歡迎，

加上朋友有親朋戚友在場，

攪到沒有機會抱抱熙熙，

連一張相都沒影，真失策！

下次再探你時，影過夠補數！

＊＊＊

沒得抱熙熙，我地唯有同韜韜玩啦！

上次在球場，成身汗臭，

都唔夠膽抱佢，今次抱過夠，

韜韜真係好鬼得意，佢都幾好肉，

拍得住樂仔細個那時，

又唔怕羞，好好玩。

＜這就是韜哥啦！坐到成個大爺咁＞

＜樂仔都忍唔住要同佢握手＞

＜這就是韜哥的老爸，係咪同韜哥好似樣呢？＞

＜在場還有誠哥仔＞

＜還有邦少＞

＊＊＊

之後我地一家去了麥記食晚飯，

樂仔又點會放過，有好野食的機會呀！

遊閒的星期六(下) - 煮飯仔

我都好耐未煮過飯，我諗都有年幾兩年了，

未有樂仔前，我放工放得早，

所以多數都係我煮飯等老婆回來飯，

當然是煮簡單幾味。

到樂仔出世，我地多數在外母家食飯，

所以更加少煮飯．

樂仔出世咁耐，我都未煮過野食比佢，

星期六咁得閒，一於試下煮吓飯仔先！

煮乜好呢！？

就煮我以前細個，老媽成日煮的比我食的

好簡單的煮法，預備好所有材料，

飯煮到差不多收水時，放晒落去，

之後差不多飯好時，打埋隻雞蛋落去焗多陣，就攪掂！

＊＊＊＊＊＊＊＊＊＊＊＊＊＊＊＊＊＊＊＊

好唔好食！？

唉．．．．．．．唉！

樂仔只肯食半碗，

老婆話可以ｄ肉唔夠味，

樂仔唔鐘意，

失敗之作！

＊＊＊＊＊＊＊＊＊＊＊＊＊＊＊＊＊＊＊＊

不過我地兩老就好鐘意食，

差不多成煲食晒！

樂仔真係唔駛食．．．ｈａｈａ！

遊閒的星期六(上)

星期六，短週，沒有ＰＧ上，

一家在商場逛逛，

見到廣告板前壽司三文魚壽司＄３件，

即係＄６碟咁低，

當然要去捧場啦！

醫完肚，在商場走走，

樣樣睇一餐，

咁又一日啦！真爽！

我地就是為左這三文魚壽司

點少得樂仔，蒸蛋係佢至愛

樂樂想同姚明比較球技

樂樂：姚明，快傳球給我啦！

樂仔又載得幾好睇喎！

辭左工

其實係上星期五已經遞了信，傾好做到月底，以前幾份工遞信前，都好有ｄ驚，但今次真係少少緊張都無，可能去意已決，所以入房５分鐘都唔駛就走得，真係同個ｆｃ無乜好講。加上公司講到明會裁人，而家我自己走，佢真係求至不得。

計埋１２月返那份新工，三年裡做第三份工，估唔到自己做了遊牧民族，無份工做得長，真係唔似自己性格，可能三份工都係朋友介紹，第一，二份無諗著走，但人工高左，無理由唔走姐，打工都係為左份薪水姐。但今次真係自己想走，咁啱有個機會，所以低ｄ人工都要出去博一博，希望今次唔會博錯啦！

最近，成日都聽到有公司裁員，身為打工仔，聽到這些消息，都有ｄ不安，成個香港前景好似好黑暗咁，希望香港快些走出這個黑暗時期，人人有工開！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

特別加送：

ｂｌｏｇ友海豚對樂樂張唐老鴨椅好有興趣，今次特別ｐｏｓｔ幅相比你睇，妳睇真ｄ啦，睇下坐唔坐得落，啱唔啱心水啦！

玩泥膠

之前見同學仔個ｂｌｏｇ到玩泥膠，我地有樣學樣，買ｄ泥膠比樂仔玩下，開頭樂仔都唔鐘意拿著泥膠的感覺，只夠膽用手指篤ｄ泥膠，之後玩玩下，開始夠膽用手楂，但細路仔永遠有自己既玩法，佢玩泥膠，就是將一舊大泥膠，撕成一粒粒細細舊，已經玩得好開心．．．．下次再買少少工具比佢玩先。

澳門隨影