SD高達三國傳! 型爆!

好耐無追卡通睇了，最近又要追一套！

最近發現無記在星期六和日的下午五點半，都會“ＳＤ高達三國傳”。

ＳＤ高達係我至愛之一，加上代入喜歡的三國故事，點可以唔睇！




三國必然主角！劉．關．張！三個都型爆高達！

我睇那時，應該是頭幾集！
因為都係講黃巾戝，又講桃園結義！

劉備，係ＳＤ高達入面超型仔！

打交還會合體，但通常講多多，但就一招了！哈哈！

挑園結義！

黃巾戝，張氏三兄弟！都會合體！好似好勁！
但原來被人一招收佢檔！三位出了半集的大茄！

還有其他的軍隊出場！

董卓軍！

曹操軍！
佢好鬼型仔！攪到我都想買個來砌下！

孫堅軍！
拿著虎掟刀，超型！我一定要買佢回來！
剛剛過的星期，孫堅死了！

睇完後，真係想買更多ＳＤ高達回來砌！手痕！

2011 親子日本東北之旅 Day4 - 青森篇 (下)

ＤＡＹ ４　（仙台－八戶－青森－南田温泉）

０８／０３／２０１１（二） - 青森篇 （下）

今次我們入住的南田温泉，主要來試試它們的蘋果温泉！

安頓好行李後，就出發食晚飯！

這是小朋友的兒童餐！但他們兩個唔係太欣賞！

這是我們的晚餐！不過不失！

最好味係刺身！而蘋果汁真係超好飲！

小朋友有飯唔食，就成日係到干杯呃果汁飲！哈哈！

旅館安排了日本技藝表演，這種表演我都係第一次睇！不錯！
（相片有ｅｄｗａｒｄ兄提供）

晚飯後，我們到了商店逛逛，買了十八個青森蘋果，幸好他們有速遞服務，
送住我們上野的酒店！

我們在商內購物，小朋友就在外走來走去，自得其樂！

今次我們沒有訂房內沒有泡湯的，但它們有給一家人一齊泡湯的房，
為了一家人可以一齊泡湯，所以我們預訂了，無奈泉水太熱，唔係太適合小朋友，
樂樂就沒有浸，但就當玩水！都很開心！

一家人浸過後，到我去試試蘋果温泉先！

那時十點多，男湯內沒有人，當我準預享受蘋果湯的時候，
發覺湯內沒有蘋果既！原來蘋果已收起了！沒有蘋果了！
唯有失望地回房間了！連湯也沒心機去浸！
（照片由ｅｄｗａｒｄ兄提供！）

每房每人都會送一個青森蘋果，沒有蘋果湯，唯有食番個蘋果！
真的超好味！（唔知幾時再有機會再食呢！）

樂樂，睡前都要玩下新幹線原筆，當火車玩！

玩完一天，早點休息，迎接第二天的行程！
松島的海鷗．．．．我地來啦！

＜待續＞