幼兒潛能訓練課程(六)

<p><font color="#0060bf"></font></p><div class="img-wrap "><font color="#0060bf"><img  style="BORDER-RIGHT:0px;BORDER-TOP:0px;BORDER-LEFT:0px;WIDTH:auto;BORDER-BOTTOM:0px;HEIGHT:auto;" height="352" src="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/37/l/sv7AuzbOOA5lgtpeNkxDMg.jpg" width="500" osrc="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/37/l/sv7AuzbOOA5lgtpeNkxDMg.jpg" tsrc="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/37/l/sv7AuzbOOA5lgtpeNkxDMg.jpg" mtype="misc_picture"></font><font color="#0060bf"><br><br>來到第六堂，一如之往，樂仔開頭總要扭計，一唔比佢走圍走，就發脾四，只會在唱歌仔時少停下來，這方面，真係要慢慢教，有排教．．．<br><br>去到動態活動，樂仔依然活躍，捐山洞，爬高爬低，都沒問題，去到靜態活動，樂仔出奇地靜下來，專心地聽著梁導師指導，這次是第一次啊，這活動是以一個膠容器，裝著水，放幾個圈圈下去，要小朋友用鈎的棍，將圈圈釣上來，樂仔對這遊戲好有興趣，不斷嘗試，直至掌握鈎起圈圈，全程沒有發脾四，乖乖的坐下，實在低讚！其實不只樂仔專心這活動，其他小朋友都好專心地玩，這面有趣非常，最衰不可拍照，唔係就可以拍下這有趣場面！原來小小的自創遊戲，小朋友都可以玩得咁開心，真的可以少買玩具都得。<br><br>樂仔今堂表現，不過不失啦！都係有待改善．．．哈哈！<br><br>之後和倩寧一家去了大家樂小聚，兩位媽媽暢談一番！<br><br><div class="img-wrap "><img  style="BORDER-RIGHT:0px;BORDER-TOP:0px;BORDER-LEFT:0px;WIDTH:auto;BORDER-BOTTOM:0px;HEIGHT:auto;" height="348" src="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/36/l/DiV2Gb4Jt_1J3glcnlyaJQ.jpg" width="500" osrc="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/36/l/DiV2Gb4Jt_1J3glcnlyaJQ.jpg" tsrc="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/36/l/DiV2Gb4Jt_1J3glcnlyaJQ.jpg" mtype="misc_picture"><br><div class="img-wrap "><img  style="BORDER-RIGHT:0px;BORDER-TOP:0px;BORDER-LEFT:0px;WIDTH:auto;BORDER-BOTTOM:0px;HEIGHT:auto;" height="438" src="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/28/l/QnDhGRshoMAELyn_qyoWBA.jpg" width="500" osrc="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/28/l/QnDhGRshoMAELyn_qyoWBA.jpg" tsrc="http://blog.yimg.com/3/jziASvV7s59U7oorw78mtFXlaUxtWaE6OU6X0j1QxLwTy7NewWlvIg--/28/l/QnDhGRshoMAELyn_qyoWBA.jpg" mtype="misc_picture"></font><p></p>

藍田(新增座數版)

ｆａｃｅｂｏｏｋ除了可以幫你尋回好多舊朋友外，另一個好處就係可以找到好多舊的回憶。前排就找到一個ｇｒｏｕｐ，係講”藍田”，入面有好多舊相，另有好多人在一起講番以前藍田的人和事，令人回想起好多往事。

自己在藍田大大話話住了廿幾年，由舊區住２３座，到清拆後搬去了德田邨，都係住係藍田，可以話係這區長大。所以係ｆａｃｅｂｏｏｋ見到別人寫的回億，發覺原來大家都是這樣長大，真係好開心，好有感覺。

以前住舊區，雖然屋仔細細，但人情味夠，每晚可以開著門睡，每位街坊都會有講有笑，不用太多的玩具，因為四處也有好玩的東西。捉伊因，何孖，踢波．．．等等，真係好多好多的回憶！

遲些回老家再找找，看看有沒有珍藏先．．．

＜這幅差不多有整個舊藍田，只沒有了２１－２４座＞

＜以前的舊式大廈＞

＜這幅比較後期，啟田大廈（左）和１５座（傳劉得華曾經往過）

＜一座巴士站，一座有好多美食＞

＜這絛龍係有特別意義嫁，因為當時１５座係第五佰棟落成公屋，所以加條龍做紀念。而這條龍有另一個傳聞，就係用來震住第面海裡的水怪，佢隻左眼無左就係因為同隻水怪打時整盲左．．．＞

樂樂表妹

星期日，回家睇大結局前，去了探樂仔表妹－楚穎，楚穎真係好鬼得意，眼大大，又多頭髮，表情又多．．．真係好得意，大個一定靚女一名。

至於樂仔，去探表妹，佢都好開心，但唔係因為見到表妹好開心，係因為見到好多玩具好開心，自得其樂．．．哈哈！

　楚穎～真人ｓｈｏｗ～ｓｈｏｗ　ｔｉｍｅ

＜點解睡極都咁累．．．＞

＜好悶呀．．．＞

＜我扮下得意先！＞

＜呆了．．．＞

＜好疑惑，我想做乜呢？＞

係咪好得意呢？
至於樂仔，佢就係玩這個．．．玩到格格聲笑．．．

最後表舅父見佢咁鐘意玩，偷偷落街買個一模一樣既送比樂樂，
樂樂回家見到．．．．開心屎．．．．

幼兒潛能訓練課程(五)

來到第五堂，原本上堂有進步的樂仔又打回原形，因為沒有足夠的午睡（只睡了半個鐘多少少），成個人暴躁晒，扭計非常．．．一唔如意就用頭撞人或大叫，所以開頭的活動，樂仔都唔係太多參與，到後面好動的活動，樂仔才能投入。

第五堂活動內容：

１）每堂都要唱的歡迎歌等等．．．
～～樂仔有歌聽，總算安靜。

２）傳波仔：目的讓小朋友明白分享，分享是開心，一齊玩的。
～～發脾四中，差不多沒參與過。
　　
３）夾衫仔：要小朋友嘗試用衫夾夾物件，訓練手指，有助將來執筆的手姿。
～～始終未能掌握用手指去打開衫夾，有待練習。

４）爬隧道：有一條幾長的隧道比小朋友爬過去。
～～有些小朋友唔夠膽爬，但這是樂仔強項，第一個爬，還不知爬了幾多轉。

５）跨障礙：導師設置由矮到高的欄，要小朋友自己跨過去，家長在傍輔助。
～～樂仔頭兩個矮的都可以自己誇過，但高的要人扶過肯過。

＜這是另一首每堂都要唱的歌仔：十隻小手指和小腳指＞

小總結：
如果樂仔唔係唔夠睡，沒咁扭計，應該會投入些，但沒計，小朋友一個扭眼瞓，一個扭食奶，真係死穴，下次都係要比佢早點午睡才得。至於課堂內容，有動有靜，都算多元化，不錯！

每次和樂仔上堂，感覺樂仔總比其他小朋友活躍，一點停下來的時候都沒有，真係唔知當佢精靈定係奀皮好．．．有點擔心是過渡活躍．．．

最後，自已好同意倩寧爸在他ｂｌｏｇ所講的問題：
這課程一早講明只可以在第一堂和最後一堂拍照，之前第二三堂都有一兩個父母拿相機拍照，但不是太張揚，其他家長不知是否見到別的拍照沒有人指責，今堂多了很多家長也在上堂中拍照，有時還阻礙到其他家長上堂，真的唔係太好，希望那些家長真的可以自律一點，當是做一個守規矩的榜樣給孩子看。

上完堂，約了十多年的老朋友在家小聚一番，順道和其中一位老友慶祝生日。
這天好開心，除了能見到兩位大肚婆外，我地還講下以前大家一同去旅行的笑事，還即興拿回照片才看，當然，一班ｃ９點可以唔講下生仔經。
說說笑笑的時間真係過得快，傾到成２點，真係唔係幾好意思，要兩位大肚婆咁夜睡，不過而家咁難得才聚到一次，一次半次，唔會介意掛！

馬尾 vs 洋蔥頭

樂仔的馬尾ｌｏｏｋ

＜除了橡皮圈，變成了燕子尾．．．哈哈＞

樂仔的洋蔥頭ｌｏｏｋ

大家鐘意邊個ｌｏｏｋ呢？

我就鐘意洋蔥頭多ｄ．．．攪笑ｄ！


你呢？

自制證件相

遲時想和樂仔去一些短線旅行，第一站應該是澳門，所以要幫樂仔申請證件。

出街影證件相，平極都要＄２０－＄３０，都幾貴。最近朋友比了個自已制作證件相的ｓｏｆｔｗａｒｅ，出街影咁貴，不如自己整！

首先影一張有適合背影的相片，不過樂仔坐定定影相，真係有ｄ難道，影了好多幅才能成功，然後用ｃｕｔ大頭，再用軟件變為一幅四張的證件相，之後去快圖美晒一張相，多謝＄０．９（快圖美做緊特價）。

去晒相時真係有ｄ唔好意思，男人老狗晒一張相，好彩快圖美晒相係自助式，去問口部機到按下按下，之後拿著收據去比錢就得，咁都無咁瘀。


＜這幅證件相不是我整，是老婆大人去處理，我只負責晒相和寄信＞

謝謝老婆大人啊

如各位都好友有需要用這個ｓｏｆｔｗａｒｅ的話，可以問我，有好野，當然大家分享啊！

BEYOND音樂特輯~勁BAND四鬥士

好耐都沒講ｂｅｙｏｎｄ

今次又要講下先

不過唔係講最新出的那隻（因為我還未買）

今次講的是ｂｅｙｏｎｄ在無記拍的音樂特輯

印象中ｂｅｙｏｎｄ好少為無記拍音樂特輯

而這特輯主要講番ｂｅｙｏｎｄ奮鬥史

雖然唔係百份百真實

但都有７，８成

所以當時知道隻碟一出即刻去買

而家睇番

一樣咁回味

因為ｂｅｙｏｎｄ是無可取替

哈哈

＜一起好呼ｒｏｃｋ’ｎ　ｒｏｌｌ＞

游中秋水

瑞午節去游水就叫游龍舟水，咁今次我地中秋節去游水，我就叫做～～

　游中秋水　

　

中秋三天假期，我們沒有去特別的地方玩，只在星期一早上和樂仔去游水，唔知係咪耐無去游水呢！？樂仔一落水，ｆｅｅｌ到ｄ涷水後，即刻喊起來，就算點逗佢都唔肯，總至一落水就喊，足足喊左半個鐘。

最後唯有出絶招，同佢玩１２３，即係數１２時將佢舉起，３就鬆手跌落黎（跌樓機），同佢係水中玩幾次後，樂仔好似無咁驚，之後去淺水區到玩，比番個泳鏡佢玩，當堂開心晒，還自已係到潑水，笑番晒！

之後回家，食支奶後，不知幾鬼好睡！

初初喊到豬頭咁．．．

有泳鏡就玩得好開心．．．．．

話佢靚靚，連泳鏡都係帶．．．

走時．．．果樣累到．．．．