LMF & Paul Wong

上星期，經過杭口的ＣＤ鋪，買了兩隻＄２５的ＬＩＶＥ　ＶＣＤ，分別係ＬＭＦＡＭＩＧＬＩＡ　ＬＩＶＥ和組ＢＡＮＤ時間五週年特ＧＩＧ黃貫中。

今星期終於睇了，ＬＭＦ那隻真係幾爆，唔怪得要警告字眼！哈哈！
但係好好睇！ＧＯＯＤ　ＳＨＯＷ！

另一隻係Ｐａｕｌ既Ｌｉｖｅ，之前係上網都想ＢＩＤ，但見價錢不平，而家咁平，當然買啦！睇完後，感覺一般，少少悶！但好鐘意碟入面既一首歌。

有路


作詞：劉卓輝　作曲：黃貫中　編曲：黃貫中

匆匆的人生的一半　己經夠鐘不想再提
我己有過幾多好東西
憂傷的回憶中一切　有些變得深刻美麗
我會載有幾多於心底

# 人大了　我抱怨卻更少
從前稜角失掉　還是不用強調 #

* 行大路　誰會識做
如順路　還有o向導
誰讓路　能給多一些鼓舞
行絕路　誰更驕傲
如陌路　無法舉步
尋末路　自己的傷心苦惱 *

不想知明天的一半　我的角色可否發圍
你與我有幾多的高矮(高低)
Repeat # * *

化療~#3療程 Day1&8

化療，第三針，ＤＡＹ１＆８（寫在第四針前一天）第三針的兩次化療，比之前的兩針，明顯反應差左，不知點解，兩次都在打止嘔針時，嘔了，並在化療期間，十分唔舒服，就算食糖，食話梅，都化不去那種感覺，不過回家後，幸好都沒有嘔，但食野變味，頂住頂住咁。幸好過了三四日後，總算有改善。

幸好第三針後，有兩星期的休息，總算令我忘記一陣子，可以和樂樂去玩下！

還有最後兩次化療了，要加油，要快些完結！頂住呀！

樂．與正正同遊的一天

１７／０７／２０１０（日）

這天約了正正一家去街街，由於正家有車，所以可以去遠Ｄ的地方。

首先我地去黃埔冒險樂園玩下先！去到，兩個男孩，當然要玩下車啦！

之後有火車坐，單玩＄３０一次，反而買套票＄７０玩四次，咁當然買套票！
兩個小朋友，乖乖排隊！

之後再玩其他遊戲，彈彈車和迷你海盜船！

之後去食ＬＵＮＣＨ！食飽飽就拖手手出發另一個目的地！

就係出黃泥涌水塘，玩水上單車和喂魚仔！

只要你有面包，Ｄ魚一定會跟住你！

玩左成個鐘，夠晒皮啦！

飲番啖水先！

而～～咁乖乖手放後面，又排好隊，一定有好野！

有百力滋，唔怪得咁乖乖啦！

多謝正家這天的接載，ＴＨＸ！

這天估唔到這兩個小朋友咁老友，成日手拖手周圍去，哈哈！下次再去玩過呀！

這天樂仔有點呆呆地，可能前一晚睡得唔好，晚上還發燒，幸好食了退燒藥和沖完涼後，幸好晚上已退了燒。

樂．NICE DAY

１０／０７／２０１０（六）

這天，婆婆和梨Ｅ出發右吉旅行，這天下午我和樂媽接樂樂回家，在電梯，在到同層的三個小朋友，樂樂見到他們手拖手，竟然主動行埋去要求拖埋一份。拖到落商場，差點想跟埋人一齊走，哈哈！

見商場有小朋友帽賣，順道幫樂樂買頂帽先。

之後返到新都城，當然逛下反斗城啦！

回到屋企樓下，見咁熱，去ＯＫ買雪糕食先！

有雪糕食，當然是開心的一天啦！

樂．2010下水禮

０４／０７／２０１０（日）

陽光普照，最好就係去游水啦！就這天作為今年的下水禮啦！
我地相約姑公，姑婆，梨Ｅ，亞輝，一齊向清水灣出發！

我身體唔方便下水，唯有靠樂媽和姑公姑婆幫手，同佢落水玩！

樂樂一落水，成個人不知幾鬼開心，笑不停！

游完一輪，休息下先，食支能量補充體力先，這件消防員衫掂唔掂呀？

借梨Ｅ副黑超帶下先，型唔型仔呀！

再玩下沙先～

星光大道，打下手印先～

唔夠喉，再去岸邊＂不＂沙！

之後再游過！

跟姑公玩下輕勁水上飄先。

三點去到，玩到五點幾走，樂樂累到晚上九點就睡著了！