『樂』與「我」: 10月 2008

2008年10月31日星期五

哈佬樂

各位

萬聖節快樂

＊＊＊＊＊

上年萬聖節，樂仔的第一年萬聖節

我地兩公婆堂然會同佢扮鬼扮馬一番

但到了今年，樂仔已大個

唔肯咁順攤比我攪佢

所以都係在超市係咁二影下相就算了

＜南瓜頭ｌｏｏｋ＞

＜海盜ｌｏｏｋ＞

＜最後，還有公主ｌｏｏｋ＞

＊＊＊

＊＊＊

＊＊＊

＊＊＊

＊＊＊

＊＊＊

＜上年，樂仔的南瓜相，都幾ｃｕｔｅ＞

＊＊＊

＊＊＊

＜今年著番同一套南瓜衫，感覺不同＞

2008年10月30日星期四

十多年的好友，她的囝囝～熙熙，星期日出世了，重六磅四，真係恭喜晒亞岒和拜仁，身為好友的我們，都感好好開心。

原本星期一成班朋友一齊去探小熙ｂ，點知公司個ｆｃ要做ｒｅｐｏｒｔ，唔比走，唯有星期二下午見完工，才去探小熙ｂ，去到醫院，經過睇ｂｂ的地方，已經好多人，見到個個流露出開心的樣子，一個小生命的來臨，真係帶比人無限既歡樂。經過一陣的舉牌，終於有得睇小熙ｂ，他真的好得意，身仔細細，好鬼多表情，好可愛，暫時來講，我就覺得似媽咪多ｄ，等你出院後再來探你呀！到時我要親手抱下之得！

看見剛出世的小熙ｂ，令我去諗下起樂仔剛出世是怎樣的樣子，原來我已忘記係怎樣，要睇番相簿才記得．．．

2008年10月27日星期一

忘記背後 <高浩正>

01. 真心唱歌 (鴻福堂廣告主題曲)

02. 時間停頓

03. 不要驚動愛情 (福音電影【真的戀愛了?】插曲)

04. 愛妳也愛祂

05. 忘記背後 (基督教互愛團契浪茄訓練中心主題曲)

06. 點起愛的火 (普世基督徒關懷差會主題曲)

07. 相戀有罪

08. 瞓身

高浩正，我最記得佢，應該係主持每晚７：３０的娛樂ｘｘｘ和星期日的至激校園，原來，佢都是唱歌的，最近我經常聽他隻碟，雖然未至於好好聽，但都算啱聽，他這碟大部份的曲詞都是他創作，而有些更是講主的，雖然我沒有宗教信仰，但都好鐘意這些歌，特別他的”忘記背後”，實在好聽，大家不妨都聽下。

作曲/作詞/監製：高皓正
編曲：Terry Ko@153 Studio

主耶穌我的生命一團糟
何以我竭力做對但我又跌倒
想好好去做偏偏未夠好
承諾今天開始改過說完又退步

怎祈禱錯失的才可彌補
何以每次我做錯總有你懷抱
很想走窄路很希望變好
回望一生之中鋪滿了塵土

*忘記我背後
遙望這標竿已在前頭
或者又做錯不怕撐起來繼續走
神賜我自由從今一切不可變能夠
這日未能做到別放手
再別回望往日多少的內疚
來到白晝

可能嗎我怎可如此祟高
憑我血氣最後也不夠我達到
只等祂帶路等祂為你鋪
無盡傷感於今天化作祈禱

Repeat* X1

忘記我背後
朝著這標竿繼續漫遊
定晴十字架不怕撐起來繼續走
難過別淚流耶穌今已稱呼我朋友
這日未能做到別放手
再別回望往日多少的內疚
如今已經得救

2008年10月26日星期日

幼兒潛能訓練課程(九)

來到第九堂了，亦是尾二的一堂，樂仔今堂最明顯進步的，就是分享方面。在未上堂前，很多小朋友都在玩具，當佢想玩另一小朋友的玩具，我們叫他和小朋友交換手上的玩具時，他第一次肯嘗試去玩，到上堂時交換手上的搖鈴時，他亦自己主動去換，雖然只是一個小進步，但總算不錯啊。

今堂，玩了三個新玩戲，分別是配對遊戲，行路遊戲和運送遊戲（三個名都是我作．．哈哈），樂仔總算做不錯。

配對遊戲：
有三塊不同形狀的板和積木，要小朋友配對不同形狀的積木在板上，可能樂仔　在家有玩過類似的玩具，所以可以成功配對

行路遊戲：導師放了不同質料的地毯在地上，有石春，有草，有粒狀等等，要小朋友在上面行，要他們用腳去感受下，樂仔最唔鐘意行草的地毯，反而最喜歡行石春路，真令人費解。

運送遊戲：
要小朋友用一隻大湯匙，運送積木從這一邊到另一邊，運積木，樂仔勉強還可以，但到運送波時，由於佢大心急，成日跌波，但見佢玩多兩三次後，好明顯專心左，做得比較好了ｄ。

下課後，由於ｋｅｉｔｈ（圖右二）最後一堂不能返，所以和他影幅合幅時，當然叫埋其他同學仔一齊影啦！
＜晉生，倩寧，樂樂，ｋｅｉｔｈ，ｒｙａｎ＞

下堂是最後一堂了，導師會給每位小朋友一份報告，唔知樂仔那份會是怎樣呢？

2008年10月24日星期五

做做做．．．忙忙忙

近排公司好鬼忙，所以無得好似之前咁，去探下ｂｌｏｇ友，寫下ｂｌｏｇ咁，我少來探你們，希望大家唔好見怪啊．．．

正所謂新官上任三把火，他還把的火送比我地做細既，來了短短的兩星期，已經不斷地做ｒｅｐｏｒｔ．ｒｅｐｏｒｔ．ｒｅｐｏｒｔ，最慘係改完又改，一個ｒｅｐｏｒｔ改五六次，都唔知佢想要乜，原本要做的ａｕｄｉｔ野，攪到ｈｏｌｄ晒係度，但ｄｅａｄｌｉｎｅ唔遲得呢！真係想趕死人咩。而家公司的不滿指數已蓋過之前的不安指數好多了．．．

回到家，一來老婆要用機，二來自己要加操練習普通話，２ｎｄ　ｉｎ的話要見國語人講國語，自己真係有ｄ擔心，鬼叫自己講的是廣東話式普通話，唔想衰，唔勤力ｄ都唔得。書到用時，方恨少，而家明白晒啦！

為左練習國語，在網上找到了這個網頁，這網頁真的不錯，只要你輸入你想講的國語，佢就會真人發聲讀比你聽，而且還可以輸入一整句句子來讀，真的幾方便，讀英文都得，大家有興趣的話，不妨上去試試．．．
http://www.microstyle.com/tutorsource.htm

2008年10月23日星期四

給老媽的信３

老媽，

這是第三封給你的信，即是你離開了我們三年了．．．妳那邊生活好嗎？有沒有肥到呀？打牌有無贏錢呀？

剛過的星期日，我帶了樂仔來探你，你認唔認得佢呀！雖然佢而家還未懂得叫麻麻，但走的時候都有望著你講拜拜，你聽到嗎？你個孫係咪好得意呢？我會幫他加緊練習，下次來探妳的時候，希望識叫妳一聲麻麻。

不經不覺，妳走了三年了，自己亦開始習慣沒有妳在身邊的生活，不過三年前的今天，我依然記得好清楚．．．．現在我做人父母，才明白做人父母的辛苦，難處，回想以前還成日激妳，駁嘴，實在萬個不是，不過我知妳唔會嬲我的，因為我係妳最錫拉仔啊。

至於屋企，又是差不多，我們也很少聚了，過時過節，亦很難齊人一聚。至於老爸，不知妳是否已原諒他，但我到現在，還未接受到他做的事，所以我都好少和他見面了，只有做節才會上去食飯，或者再過三五七年，我會接受到既。至於大哥一家，他們過得好好，祖兒，君兒都大個左好多，都好考順，你不用擔心他們了。至於你最擔心三哥，繼續他自我性格，有錢駛盡佢，這性格改不了，妳都是不要再為他擔心了。至於我．．．一家過得開心，樂仔雖然活躍，但都算聽話，我可能會轉新工了，妳要上天保佑我見工順利呀！

今次寫到這裡了，下年再寫信妳。

不孝子．祥上

喜宴

剛過的星期日很忙

這晚要出席兩場的喜宴

．．．．．．．．．

我們先前往樂仔表妹”楚穎”的滿月喜宴

～齊人的大合照～

～這就是今天的主角”楚穎”～

～我們一家，當然要和楚穎合照～

～這兩幅是在場的攝影哥仔影的，果然係靚ｄ～

～樂仔又點會坐定定，又四圍攪攪震～

．．．．．．．．

之後，就去欣表姨的婚禮

在此祝福他們

永結同心
白頭到老

～去到，見到靚女倩寧，當然要同佢影下相啦～

～這晚樂仔都幾受歡迎～

～當然，樂仔依然四圍走～

～玩到累，食番支奶補充體力～

～之後上台玩過～

．．．．．．．．

｛｛　後記　｝｝

這晚酒樓的上菜速度真慢

１１點才上到魚

去到１１點半才上到美點兩輝

攪到成接近１２點才走到

幸好坐的的士

全程差不多踩著過百咪的速度

用了十五分鐘由旺角回到將軍澳家

雖然快．但咁忘命

真係有ｄ驚