樂．眼腫

星期四晚，放工回家望一望樂仔，嘩！做乜咁腫呀？

他成隻右眼腫（上圖已是星期五晚影，已好番好多），第二天婆婆帶樂仔去睇醫生，醫生話佢應該隻手污衊，又淬眼，攪到發炎！這次婆婆順道問問醫生，為何樂仔二歲半了，還不斷留口水，醫生話佢有鼻敏感，攪到鼻塞，習慣左用口呼吸，所以到而家成都唔夾埋個口，導致流口水，所以醫生順道開了些氣管藥佢，醫下鼻敏感。

這個醫生是婆婆一直睇開，是耳鼻喉專科，既然佢咁講，唯有試試係咪真係咁既原因，食完今次藥，醫生說要覆診，再睇樂仔情況。希望有好轉啦！

至於眼腫，就要搽眼膠，但要同樂仔搽，真係要角力，因為佢實在太大力啦！我都差點捉他唔住，要兩個人夾手夾腳才攪得掂！

由於樂仔眼腫，所以原定了星期六去留下泳池游水都要取消，唯有下星期啦！
到了今日，星期一，樂仔的眼腫要消，無事了！ｙｅａｈ～！