11/08/2009(一)
第四天的上學,依舊暫上一個小時,這天亦是樂仔在沒有人陪伴之下,自己上堂的第一天,這天也是婆婆帶他上學,據婆婆回報,去到幼稚園門口,老師已經雞咁腳『夾』個小朋友入課室,便得小朋友面對分離場面。(這個安排幾好喎,親人越留下時間越長,小朋友唔捨得的機會就越大,好辦法!)至於樂仔,和其他小朋友一樣被『夾』入了學校,婆婆嘗試裝入校園看看他上課情況,無奈現在的學校實在銅牆鐵壁,婆婆始終看不到。唯有等他放學才知道~
一小時後,婆婆在排隊接放學時,見到好多小朋友都喊晒,樂仔的同學石石仔喊得好厲害,婆婆以為樂仔都會喊的時候,老師竟然話佢這天沒有喊,只是流口水流濕了件衫,幫他換了衫。樂仔還露出好開心的樣子!
真係估唔到,樂仔第一天自己上堂竟然沒有喊!真叻仔!如果沒有流口水就更加叻仔,都返學啦!還流口水得咁厲害,真係有點監介!
<第二天上堂的勞作,親子相架!>
12/08/2009(三)
今日已收到婆婆的回報,即刻送上樂仔第二天自己上堂速報!
今天婆婆如上送樂仔上學,由於早到,去到門口,學校還未開門,但樂仔已好心急走埋去,自己去推開門想入去上堂。(哈哈!駛唔駛咁心急)當然婆婆制止佢咁做啦!之後到入得佢,佢好自覺咁同婆婆byebye,就入去上堂!
放學婆婆接佢時,老師說他今天都沒有喊(叻仔),至於流口水,依然有啦!而樂樂見到婆婆時第一時間就話:『食食!』,唔知係咪玩到好肚餓呢?
這天更加估唔到佢咁既反應,咁鐘意返學!聽完婆婆回報真係笑死我!哈哈!
樂樂的校服look就未有得睇,睇住每天都要帶上學的用品先啦!
(書包~好大個的,樂仔咁大舊背起都覺得大,細粒的點算!?)
(書包入面唔係書,係有圍巾,體温表,手巾和餐盒)
平時上堂look~~
最後,大家知唔知坊間有乜方法可以止小朋友流口水呢?
可以幫我問問你們長輩嗎?有的話,不妨告訴我!萬個唔該!
沒有留言:
發佈留言