樂．上學去

０６／０８／２００９（四）
上星期四，是樂仔開學的日子，這是幼稚園的學前班（Ｎ１），由於這是九月正式開學前的體驗班，即係開學前比小朋友習慣上學模式，所以不用著學服，便服就得，到八月尾才有得買校服，到時再比大家睇睇樂仔的校服ＬＯＯＫ啦！

頭三天上學，學校批淮家長一同陪同上堂，以便小朋友習慣新環境，而這三天，頭一天由樂媽陪，第二，三天則由婆婆陪同，致於我，費時樂仔太過依賴我，申請了免疫！哈哈！其實係我公司難請假姐！

返了頭三天，根據樂媽和婆婆的報告，樂仔上堂大致上沒問題，可能之前返幼潛的關係，習慣了上堂的模式，所以樂仔對於取玩具，放玩具，食茶點等等，一點都不陌生，都算做得不錯！間中唔聽老師講話，自己走左去那些場面，就實有啦！鬼叫樂仔係好動派一族！坐唔停就實有！

明天，就是第四天上學了，亦是最考驗的一天，因為明天開始學校唔比家長陪上堂，樂仔到時唔見婆婆係身邊，會不會喊呢？會不會驚呢？唔好睇佢大大舊，其實佢好細膽的。明天我估佢應該都會喊～～～哈哈！無法啦！係時候放手少少，讓他成長獨立少少～～～大個仔啦！唔好成日一舊飯咁啦！哈哈！
期待明天婆婆的上學報告～～

明天依然由婆婆幫忙接送樂仔上學，真係辛苦晒！唔該晒！