樂．遊戲室

樂仔食左保嬰丹後，心情平和了，沒有咁暴燥了，撞頭少了，我地會睇緊他的，多謝大家的關心～～ｔｈａｎｋｓ～！

２０／０６／２００９（六）

拖左咁耐，終於ｔｉｃｋ起心肝去執下樂仔間房，經過幾晚的努力，終於將這間雜物房變回樂仔的遊戲室了．．．

不過其實都唔係好多玩具，只是將樂仔舊的玩具放晒入去．．．哈哈

這天，就有幾位小朋友來一齊試玩這遊戲室了．．．
樂仔，你不用自己一個人玩啦！

鏡頭一轉，小朋友已經黎左．．．
太太們在做運動，由我來一抽四．．．講錯講錯！係一湊四！
一個對四個真係一點都不簡單，想影多ｄ相都好難！我投降啦！
終於明白幼稚園老師真的唔易做．．．．佩服佩服！

其實這四個小朋友都算是好乖，聽教聽話，又肯坐定定的玩，已算好湊的一類！

這天試了人生的第一次，就是講故仔比細佬仔聽！
之前間中都會講故事比樂仔睡，但不是拿著做事書照著講，只是憑著我自己幻想，老吹老作的故仔講，一點難度都沒有。

但今次不同了，當婷婷拿著樂仔的睡前故事書．．．．．
對我說：『這故事我未聽過，可唔可以講比我聽？』

ｏ賣吉！婷婷咁有誠意！我又點可以拒絕呢！唯有頂硬上！
先來青蛙王子，再來生金蛋的雞，最後再黎灰姑娘．．．講野唔係我強項，所以食螺絲，甩甩ｃｕｔｃｕｔ，ｄｅａｄａｉｒ實有啦！好彩婷婷都係收貨！

自己總覺得峰峰（左）和軒軒（右）好似兩兄弟，特別睇佢地行路，好鬼似！
佢兩個係好文靜既小朋友，真係好乖好得意！同樂仔係兩種性格！

軒軒最攪笑係佢玩玩下，會無啦啦行出去好大聲叫媽咪，但明明佢媽咪係佢隔離，但都睇唔到，繼續一路直行一路叫媽咪，直到佢媽咪應佢！

峰峰最叻係“嘻嘻”咁奸笑．．．

我家買了的是兩坐位ｓｏｆａ，大家估下最多可以坐到幾多個人呢？

＊

＊
＊
＊
＊
＊

四個？？？？？？？？

錯．．．．錯．．．錯．．．．
係五個才真～～五個真係極限．．．．坐到逼逼地了．．

次次影相，個個小朋友都東張西望，左郁右郁．．．
今次我地醒啦！開個米奇妙妙屋，當堂個個坐定定任你影．．．哈哈！

這天順度慶祝父親節，這東海堂的蛋糕，真係好食過美心的好多．．．

最後，到小朋友開餐，食飽飽才散ｂａｎｄ．．．開心的一天！