樂．難攪

最近樂仔有一個極難攪的行為，令到我地兩老頭痛非常．．．
由從樂仔之前病了之後，唔知係咪食了成個幾星期的西藥，令他極之易忟憎，暴燥，少少不如意事就會用去撞頭，會去用頭去撞地、撞門、撞人，撞枱等等，總至一唔滿意就會去撞，如原本好地地坐低玩緊，無啦啦會去撞地下，如昨天飲茶的時候，原本好地地在畫畫，突然間ｂｏｏｍ的一聲，嚇到我地彈起，原來佢無啦啦撞枱．．
其實樂仔在歲半的時候，都有過這行為出現過一段小時間，但很快就沒有了，但最近又出現番這行為，特別這次病完，用頭撞的次數多了很多，實在令人擔心！
究竟樂仔點解咁做，是為了引起我們大人的注意呀？定是自己忟憎想發洩呀？定是個頭痛，痛到要撞頭，以痛止痛呢？
我地試過用制止他這樣做，嚴厲說明這樣做是不對，表明他不可以這樣做，但過了一陣之後，又再撞頭！
我們應該要點做呢？