半天假

今天請了半天假，但不是因為病，是因為家中的熱水爐在星期一晚壞了，還要在老婆大人沖完後才壞，使我沖了兩晚涷水涼，雖說涷水涼對身體好，但淋第一下的涷水，真係好金，之後習慣了還可以。所以約了媒氣公司的技師，今天下午上來檢查維修．．．

這半天假，都算過得充實，先在ｌｕｎｃｈ約了在ｆａｃｅｂｏｏｋ相認的小學同學食午飯，成十幾年無見，大家話題雖不多，但講講近況，講講以前讀書的事，真的一樂也，很快就過了愉快的個幾鐘，希望下次找到更多的舊同學，一齊出來食飯聚聚。

食過飯後，還有時間，順道去陶大行行，行得街，又要駛錢了．．．

之前未買的兩隻ｄｖｄ，而家得間，當然要入番貨啦！

這本ｈｕｎｔｅｒ好可惡，之前停刊了大半年，最近才復刊，之前係街見到沒有買，因為貪在漫畫店買可以平＄２，ｃ９性格，沒辦法，而家一次入番兩期。

原本還買了一件特價外套，但回家給老婆大人看看，竟說著到成個亞叔咁，難道我的品味真的咁差，都係不便放上來給大家看，以免再被評頭品足一番，哈哈！

另外原定想買的三國高達ｂｂ戰士模型，唔齊款，少少嫌貴，都係再出旺角時再望望，再考慮一下先買．．．

回到家，等了個幾鐘，煤氣公司維修員到來，檢查到熱水爐壞了零件，需要更換，又多謝老闆＄１６８，今天雖然好充實，但荷包就好空虛，無晒銀子陪佢！