2008年10月8日星期三

可能是發燒的原兇?




經過兩晚的發燒,樂仔在第三日早上,錢太和他沖涼時,發現背部出了好多粒粒,但到下午已經退了,之後到頸有少少,放工接他時,見到面部有少少,老婆問了朋友,朋友說是”玫瑰疹”,因為這玫瑰疹在發燒多天後就會出,但過幾天就會慢慢地退,徵狀很似,所以說應該是”玫瑰疹”,而自己半信半疑,始終又唔係出好多的粒粒,我見到的只是好少的,所以我覺得係”疑似玫瑰疹”。

樂仔在出”疑似玫瑰疹”這幾日,個人比平時爆燥好多,少少事就會發脾氣,自己明明好地地坐係度玩,無啦啦都會發脾氣,同佢玩亦是,除時除地都會發脾氣,他唯一沒發脾氣的時候,就是在睇vcd,無論english time定thomas,都會靜下來,好彩還有這些vcd幫手頂著。

好明白可能佢出疹的關係,個人好唔舒服,佢又未識講野,所以只有發脾氣和喊來表達佢的辛苦,所以這幾天都盡量去安撫佢,氹佢...盡量同他講我地是知佢辛苦的,明白佢,有時佢好像聽得明般,都會靜下來,但有時真係失晒控地扭計,頂唔順話了幾句,現在諗番起,其實佢都唔想,真係有d對唔往。

希望這出疹的日子快些過去,回覆以前經常笑容滿面的樂仔...

沒有留言:

發佈留言