發燒的一晚

前排我成日講樂仔過度活躍，比人話：活躍咪好羅，佢呆呆地你就驚！今次真係講中，樂仔昨天早上發，到下午依然有燒，維持在１０１－１０２ｃ，下午還嘔了兩次奶，放工後即刻接佢睇醫生，平時接佢，會見到佢在錢太家周圍走，見到我會衝出來，但這天，錢太抱著他，一點反應也沒有，好似無晒活力咁。幸好帶他去看醫生，好像精神了，在診所都有玩下玩具，見醫生時，還懂得笑。醫生替他檢查，說沒大問題，給點退燒藥水和止咳水，說可能發多幾天的燒，但點解會發燒，暫時未知，但要看緊一些。食過晚飯後，便帶樂回家休息！

始終都未知樂係乜事，實有點擔心，樂仔咁大個都未試過咁樣發燒，上一次大大獲入院住了７天都已是６個月大時的事，現在看見他沒精打彩，真係好擔心！回家不久，食過奶，就呆呆地躺在床，之後很快就睡著了．．．
為了幫他散熱，我地間中就會用温水幫他抺身，有時他睡睡下唔知係咪大興，會發出伊伊哦哦的聲音，好似好辛苦咁，實在有點心痛！之後間間斷斷地睡到五點，聽見他喊起來，可能覺得太辛苦搾醒了，為他耳探，嚇了一跳，差不多３９ｃ幾，我們即刻給他食退燒藥水，再抺身，換退熱貼，再抱著，幸好他很快再次入睡。

今早起床，再次為他耳探，温度已回到３８ｃ，身體也沒之前咁興，希望今天他會退燒，不會再咁辛苦。快點回復活躍的樂仔．．．