剛過的星期六，我地兩老放假，見天朗氣清，便相約軒軒一家，
同遊南丫島，原本波媽都有興趣，無奈波爸要工作，未能同行，
唯有下次再約，一齊去行下上，一齊感受大自然啦！
今次的目的地．．．南丫島榕樹灣
上到船，樂仔當然要食支奶，補充下體力先
半個鐘的船程，話咁快就到達南丫島，真方便
這天，婆婆都有參與，這張相，樂仔唔係唔開心，只是曬姐
樂仔落到船，興奮得周圍走，還學人要推軒軒掂
行左一陣，見到有串燒食，當然要食番條司華力腸先
行左一半路程，發現有個海景好靚的地方（即是樂仔坐係到飲水那到），
雖然個沙灘唔靚，但行落去時睇到個海景，真係好靚！
你地兩位小朋友，有乜咁好傾呀？
最後到達洪聖爺灣沙灘，亦是我地今次南丫島之旅的終站，
樂仔今次唔怕ｄ沙了，還玩得好鬼開心！
原本今次想去南丫風采發電站，睇下大型風車，
點至發現要行條斜路上去，都應該幾辛苦，
唯有下次再來時，再上去望望！
回程時，樂仔一上船就睡著了，即到差不多回到家才醒，
可想而知佢今天幾盡興啦！
沒有留言:
發佈留言