０２／１１（日），比返工更早起身，因為要８點半去到中環港澳碼頭，食過早餐後，便過境搭船過大海，今次我地搭金光飛船，在氹仔碼頭落船。
兩位小朋友，搭船好鬼興奮，坐唔定．．．係咁玩。
落船後當然坐酒店專車去威尼斯人酒店，好近，大約５分鐘車程。
落船後，未有房攞，唯有寄存行李，而兩位大少夠鐘開餐，所以在酒店
ｆｏｏｄ ｃｏｕｒｔ先同他們開餐。
兩位小朋友開完餐，到我地開餐，第一站去了氹仔小飛像食午餐。
食完飯，去買甜品食．．．．木糠布丁．．．
之後去買定手信先．．．．又係鉅記．．．
之後回酒店取房。嘩．．．間房好鬼大，真係幾靚（其後酒店篇再介紹），樂仔不幾鬼興奮，係間房到四圍走，又周圍按，走來走去成個鐘都唔累。
之後同佢沖涼，佢見到咁大個浴缸，好鬼興奮，玩得好開心。
原本想樂仔睡個覺，但佢大開心，食完奶都唔睡，唯有比佢走多陣，六點出發去食ｂｕｆｆｕｔ。
原本好興奮咁走緊，但排隊等車時，佢突然好眼瞓，排排下隊睡了，去到食ｂｕｆｆｕｔ都睡緊。
今次我地去了星際酒店十六樓的品味坊食ｂｕｆｆｕｔ，都算不錯，款式都幾多，不過就唔夠新萄京ｂｕｆｆｕｔ咁多野食，但可以食四個鐘，都算係咁。
之後去了隔離永利酒店，睇亞蘇介紹的吉祥樹，都好靚，但唔係幅相後棵樹靚，係天花的燈飾和效果好靚。
睇完後，就返酒店，見樂仔都幾精神，所以係商場行多一陣．．．
十一點返到房，樂仔已好鬼累，躺係張床到，差點就累著了．．．
沒有留言:
發佈留言