終於來到這幼潛班的第十堂了，亦都是最後一堂，今堂沒有遊戲玩，主要導師用幾個遊戲來測試下小朋友的基本能力。（這堂是可以影相啊）
第一項，配對，可能佢平時在家都有玩類似的遊戲，所以樂仔在這項目做得最好，佢不用試，用眼仔就可以分別大少和形狀，實在做得不錯，叻叻！
第二項，叠積木，樂仔做得算不錯，可以叠到六至七個，但份人比較心急左ｄ。
第三項，串繩，樂仔串到，但唔識將珠珠拉落另一邊。
第四項，行梯极，要自己企上四吋和五吋的地方，四吋樂仔做得到，但五吋，佢始終要人扶著，才夠膽企上。
畢業啦！當然要和同學仔影番一幅大合照啦！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
＜今堂影了很多相留念＞
我地一家都影幅大合照留念先
同學ｒｙａｎ一家和樂仔
多謝梁姨姨的指導
當然還有曹姨姨，多謝晒
今堂後，唔知幾時再見到倩寧妹妹，當然影番幅合照，
這幅，兩個都好正經，樂仔影出來好大個咁。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
＜讀後感＞
未上堂前，我都以為是和其他ｐｌａｙｇｒｏｕｐ一樣，上堂唱下歌仔，
玩下遊戲就算，在上了頭幾堂，都覺得沒什麼，但到了最後幾堂，
漸漸發覺上這課後，樂仔好明顯在各方面都有進步，特別在脾氣方面，
佢在忍耐，等待方面有好大改善，雖然依然有時會發脾氣，
但比起最初初時，已好了好多。
我覺得這幼潛班，除了是給小朋友上之外，亦都是比我們家長去學習的課堂，
學習去訓練小朋友身體各方面的發展，如手部靈活，身體平衡等，
這雖然是很基本的訓練，但就是小朋友最需要的東西，很有用，
使我們家長日常生活中都可以和小朋友訓練得到。
在此再次多謝梁姨姨和曹姨姨的教導
ｔｈａｎｋ ｙｏｕ
至於今堂的測試，我真的不介懷結果，我一早知道樂仔做到邊樣，做不到邊樣，正如梁姨姨所講，小朋友做唔到唔緊要，每個小朋友都是不同的，
慢慢學習，總會做到。
樂
沒有留言:
發佈留言