８號波的一天

８號波，無啦啦又多日假，真好！
原本想睡多一點，但都知樂仔唔會咁好死放過我，７點知道８號波，樂仔７：３
０就起身，佢食過奶後還不再睡，即是我都要起身啦！唉．．．．
十點多老婆起埋身，便一同落街食早餐，今日沒平時假期天咁多人，可能大把人未起身！有多一天假．還仲唔瞓妟Ｄ咩！

打風日子，當然唔會周圍去啦！咁就可以睇ｂｌｏｇ友～波媽比的ｃｊ７啦！
＜在此再次多謝波媽！借書給我睇和送了隻ｃｊ７比我！謝謝啊＞ｃｊ７真的好睇！雖然沒有了星爺以前的連環爆笑場面，但星爺都一早講明，這套戲是拍比小朋友睇，所以不可以同他以前的戲比較，我覺得好好睇！可能佢講父子情，所以特別有ｆｅｅｌ！

之後和樂仔沖個涼，再逗他來個午睡，我就趁他睡覺時，落街買午飯，奶粉（打風之發覺屋企無晒奶粉，好驚買唔到，好彩藥房有開），樂仔晚餐的材料！還租了魔盜王３來睇。這套戲來到第三集，沒有之前兩集咁精彩，還口水多過茶，但特技出色，劇情流暢，一點悶場都沒有，都算係咁，起碼我覺得好睇過ｍｕｍｍｙ３！

晚上就過了姑婆家痴餐，睇下電視，咁又一日！雖然遊閑，但是好舒服！爽呀！