2012年10月31日星期三

龍尾



龍尾這件事,我自己就好關注,可能我對一些海洋生物特別喜歡,
所以就龍尾這件事上,更加發覺這個政府真的不知所謂!



先講那個環評報告,找那間外判公司做,又做得求求其其,說只有幾十種海洋生物,
原來有超過二百種的生物,還有一兩種是稀有的,咁不盡不實,令人質疑的環評報告,
真的可信嗎?

再講水質,不只一個機構做了化驗(連電視台都自己拿水去化驗),
都證明那兒水質根本不適合游水,現在還大費幾億去起人工沙灘,係咪傻呀?

什麼會做改善工程,水質會改善?這是未知數喎!到時無改善,要封灘,
那個責任邊個負責呀?

就咁講都有咁多疑點,為什麼還要強推呢?不能長遠看嗎?
只係為左什麼已咨詢左好耐,無理由現在才停那些所謂理由?
有問題就要弄清楚啦!唔好成日用先去馬,後修補這招啦!
環境這種事,破壞左係返唔到轉頭的,要想清楚啊!



最攪笑係政府那個保育提議,將原在海洋生物大搬遷,
相信這只會是另一個生物大災難的發生!唉.......

再講最大爭議的大埔區市民好需要游水,需求既野,我無得質疑,我唔係住大埔區,
但係咪一定要用咁大筆錢去起個人工沙灘呢?不能起泳池咩?
越諗越多問題,有無人可以答到我呀?



看完下面民建聯那位譚生講,我真係笑左出黎!
大埔區墾丁,唔好笑大人個嘴啦!
人地做左環境配套去支持,又做左幾多野去做這個旅遊區!
唔係起個唔知游唔游得水既爛鬼沙難就可以!唔好咁天真啦!

大埔既大尾督,我間中都會去,有時會踏下單車,釣下魚,再唔係燒下野食,
真係假日家庭樂的好好地方。但講到交通設施配套方面,
現在都不算完善,如果再加上這人工沙灘,交通方面,
真的可以負擔得到這人流嗎?



自然生態既環境,要破壞,可以好易既事,一天就可以弄懷它,
但想修補,可能要用上十年,二十年的時間也未必修補到,
所以希望政府諗清諗楚!

想知更多資料,可以到以下地方查看!

救救龍尾:www.hkwlldife.net/lungmei
龍尾海岸教育中心:Facebook 搜尋 ”龍尾海岸教育中心”

沒有留言:

發佈留言