序：
我們俩老去旅行，多數都是亞洲，未試過衝出亞洲，咁啱姑姑她們計劃去旅行，
問我們有沒有興趣參與，我地話想去德國，原來她們都有興趣，一拍即合，
便計劃齊齊去旅行。
原本我們有想去德國和瑞士，但因為姑姑去過瑞士，所以想去荷蘭，
既然她們都就我地去德國，一於就番佢地去荷蘭。
選定地點，就計劃行程！
哈哈！其實我無乜計劃過，所有事都係樂媽攪，我只有說出我既要求，
就係去安聯睇場波就得了～～這要求唔係好過份姐！
所以我只負責買波飛部份！其他行程，就由偉大的樂媽一手包辦！
在此感謝樂媽！她還是第一之計劃自由行行桯，真的一點都不易啊！
感謝！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
14/09/2012 (五)
第一天，只是搭飛機之旅，由香港到法蘭克福，要十二個鐘機，
之前最多都係坐四個鐘去日本，而家要坐十二個鐘，真係幾難頂！
我地坐漢沙航空！
坐十幾個鐘機，做得最多，當然就係食和睡啦！
一起飛，小睡片刻先！無幾耐就有小食！
有飛機型餅和慕尼黑出名的ＢＲＥＺＥＬ到餅，都幾得意！
之後還派了ＭＥＮＵ比你睇睇，還有什麼食！
午餐啦！這是姑姑他們的素飛機餐！
我們的雞和牛餐，都ＯＫ的，不錯啊！最差係個包，又涷又硬，想咬甩牙咩！
姑姑介紹這隻ＢＩＴＴＥＲ ＬＥＭＯＮ好好飲！好過飲可樂啦！
之後下午茶！有杯麵或三文治選！
坐得耐，好多人會去機尾企企（包括我），順道去個廁所鬆一鬆！
最後食埋晚餐！都應該差不多到啦！
今餐有德國腸食啊！幾好味啊！
在機尾，間中都睇到好靚的風景！
第一次坐長途機，真的好不習慣，起初還有點頭痛！
最慘這機沒有電視機仔在坐位前，幸好一早帶了平版，睇了兩套戲，睇了十幾集火鳳燎原，
唔係都都唔知做什麼好！
晚上九點，到達法蘭克福機場！
由於我們明天就要睇波，所以要再搭一程轉機去慕尼黑！
幸好訂了遲一班的轉機，唔係趕唔切！好彩好彩！
侯機處有得提供上網，但要收錢！
都係用手機既ＦＲＥＥ半個小時的好過！
再搭一小時的內陸機，就到達慕尼黑機場，感覺比法蘭克福那邊新！
途經見到有一間小型飛機給小朋友玩的！做得好靚！讚！
過關，拿完李，當地時間都成十一點半了，咁夜！都係搭的士啦！
係咪好豪呢！哈哈！
其實因為這晚的酒店是連波飛一齊買的ＰＡＣＫＡＧＥ，但由於他們弄錯，
導致出發前一天才通知我們原訂的酒店ＦＵＬＬ了，要我們轉酒店，
咁攪法，我們當然要求番佢接我地啦！最後她們認承我們可以ＣＬＡＩＭ回的士錢！
歐洲搭的士真的好貴，有心臟病真的不要搭，佢跳錶係差不多四至五秘就跳一跳錶，
最後我地搭左半個小時車程，盛惠５９。５０歐，成六舊水！
好彩唔係我地比！好彩好彩！
終於到達房啦！這間房，係我地旅程中ＢＯＯＫ最貴的一間酒店！
感覺不錯，不錯！
房沒有ＷＩＦＩ提供，要落堂上網，到步當然要報一報平安啦！
拿房時，順道收到明天的波飛！期待明天的拜仁之旅！
回房沖個涼！累到一睡落床就睡著了！
沒有留言:
發佈留言