ＤＡＹ 2 （上野－山形－銀山温泉）
０６／０３／２０１１（日）
經過一天的熱身，妹妹和樂樂開始熟起來，一早就拖著手仔，一齊搭新幹線，
出發去山形站！
原本搭車的時間，應該是幾悶的，但兩隻反斗星，郤不斷發放笑彈，特別是妹妹，原來佢係好好玩，古靈精怪，有時她的說話，真係笑死我啦！
至於講乜．．．．唔方便講啦！哈哈！
大約中午時間，我們終於到達山形站，但由於天雨關係，唯有在商場逛逛，其後在一間烤店食山形牛！味道不錯，唯獨份量比較少！
午飯後，見雨停了，我們便往附近的霞城公園一遊，但行到一半，又來橫風橫雨，有大又細又要拖著兩個喼，所以去到門口，急急腳影了幾幅相，算是到此一遊就算了！
回到山形站，當然要買鑵熱飲暖下先！
之後再搭新幹線再到大石田站！
一去到大石田站，嘩！好多雪呀！
妹妹第一時間衝入玩，樂樂都唔執輸，玩埋一份！
抵達銀山莊，已差不多四點了，辦理入住手續，便去遊客必到的温泉街行行！
這裡有很多小店，售買很多精品，我們買了一點手信，回程已晚上了，
原來晚上的温泉街更美麗！
可惜的的記憶卡不見了，現在只能在腦內回憶！
（兩個小朋友，又係度玩雪）
（ｅｄｗａｒｄ兄影的，靚）
之後回酒店，疏洗一下之後，便到飯堂晚餐，我們兩家六人共用一間房，私穩多點，就算小朋友嘈也不怕！
這餐晚餐，不錯！最好味就是那三片牛肉，入口即溶！超好味！
（兩個魔怪成晚係度干杯，呃飲橙汁！）
（小朋友著和服真係好好睇！）
這酒店，貴錢一點都不平！因為它有私人風侶温泉！
對著咁靚既山景浸温泉，真是一樂也！
浸完温泉，個人特別累，所以一家唔夠十一點就睡了！
明天向藏王出發！ （待續）
沒有留言:
發佈留言