前言：
經過上年日本親子團後，今年都想再去一次日本的親子團，之前一直想和妹妹一家去旅行，因為覺得妹妹和樂樂年紀差不多，如果去旅行，一定很好玩！於是叫樂媽媽問問有無興趣一齊去，原來他們都計劃旅行，於是一拍即合！
我們自由行經驗只得上年那次，所以今次發板，都交給妹妹一家決定了，所以由訂酒店及行程，都辛苦了他們安排，在此再多謝妹妹一家帶給我們一家咁開心的旅程！
ＤＡＹ１ （香港－上野）
０５／０３／２０１１（六）
由於搭早機的問題，所以要一早起身，開頭以為要炒醒樂樂不容易，點知一同佢講我地去搭飛機，佢就成個彈起身。哈哈！睇黎樂樂都好期待這次的旅行！
還記得上年樂樂在飛機上扭眼訓，大吵大鬧，十分狼狽！幸好今次沒有扭計，還乖乖在落機前一個鐘小睡了，ｇｏｏｄ！
之於飛機餐，真削到不得了，好彩上機前食左早餐。
（超可愛的妹妹）
大約一點多到達成田機場，之後再搭ｓｋｅｌｉｎｅｒ去上野站，去到酒店放行李等等，都已經四點多了！亦開始我們兩家人的東北之旅！
（搭火車，樂樂最開心！）
由於飛機餐太難吃，所以我們先找地方醫肚，最後選了食魚生飯！
可以自選兩併或三併．．．．小朋友就食烏冬！
這是我的三文魚，吞拿魚和八爪魚！
樂媽的甜蝦，三文魚和海膽！
這天的時間不多，所以都是在附近行行，
我地就選了去東京站的【一番街】！
這【一番街】都啱我們行的，ｅｄｗａｒｄ兄可以睇超人商品，我可以索柏商品，
而樂樂可以睇車，各有各的目標！
其間見到有ｋｉｔｋａｔ賣，款式多得很！
這款杏仁豆腐味，最特別！不過都係無買到來試！
逛完後，已經八點多，揾食艱難，最後找了一間小店食麵！味道都不錯！
第一天，輕鬆吓！第二天向仙台出發！
＜待續＞
（部份照片由ｅｄｗａｒｄ兄提供，謝謝！）
沒有留言:
發佈留言