樂．要狠心吧

０５／０１／２０１１（三）

最近樂樂成日要我地提佢去，佢才去廁所，每次問佢，佢都話無ＶＶ，但轉頭掛住玩，又會失手，瀨濕褲仔，之前和他說了好多次，如果再瀨濕的話，就會無得睇電視，無得返新屋，無得食雪糕等等，但每次失手後，他都會說下次唔敢，所以每次我們都放過佢。

最近，樂樂迷上了睇千奇百趣ＷＩＮＴＥＲ　ＦＵＮ，每晚和他睇完才一齊上床睡覺，但今晚，和他玩抽卡的時候，發現他又失手了，不久前樂媽才問他要不要去ＶＶ，今次真係無得原諒了，決定罰他無得睇ＷＩＮＴＥＲ　ＦＵＮ。

他聽到無得睇，即刻喊著話下次唔敢，但今次一定要狠心了，一於說不。之後他繼續喊一邊說要睇，之後還越喊越利害，個樣還楚楚可憐咁，今次睇得出係真喊，因為佢等左成晚，差不多做先無得睇，對佢來說，應該係一個打擊。

見到佢既可憐樣，睇得出樂媽有點心軟（我都有少少），但我堅持做衰人。

喊完一陣，又係時候講下道理，問他我們之前說好如果瀨濕褲仔，會點呀？
佢識答無得睇電視，咁再問你今日有無瀨濕褲仔，有～所以無得睇，跟著又喊過！
重複三四講道理後，心情平靜點了！雖然之後再諗起無得睇時，都會再喊！

最後傾好，明天星期四，如果無瀨濕的話，就有得睇！

之後再氹下，再玩下睡前親子遊戲～ＩＴＳ　ＴＯＧＥＴＨＥＲ！無晒事ＬＵ！

其實今次要狠心，因為發覺大多事，我們講好的，最後做唔到，我們有時會見佢認錯，又喊又可憐咁，都會由佢。但失手這問題，已發生了好多次，所以今次希望佢會明白，失手係唔啱，有ＶＶ就要出聲，不是每次認錯和喊，又可以無事。

今次睇得出樂樂係好傷心，因為佢好耐未試過喊得咁勁了，每滴都是真眼淚，睇見真係好可憐咁，但對不起了，樂樂，為你好，狠心一次都要了！