2010年12月7日星期二

入伙



04/12/2010(六)

專業即是專業,搬屋當天,唔駛一個鐘,就將家中大少物件pack好,送上貨車去新屋。全程唔夠兩句鐘就攪掂,果然快手。(原來他們還要做多兩單才收得工,唔快手,有排都唔駛收手)



原本我都好滿意這個公司的服務,但最後有點美中不足....唉!
之前上來報價時,我地問那個飾物柜會不會同我拆掉,再到新居再裝上,那時那位員工認承會的,但到搬時,他們員工說沒有指示,不會幫我們再裝上,要我們直接找老細傾傾,之後我打比老細,初頭都話會幫我安上,但之後再打來又說要收費,我說你們報價時話會包埋裝上,佢回覆張報價單沒有報,所以要另外收費,咁既環境,火到黎埋,爆完佢一輪,最後說回幫我裝上,但開頭說六點幾,之後無左影,再打比佢,又話要八點幾,最後三催四請,才十點半到!黎到還黑口黑面!

咁既服務,咪洗指意有下一次!




之後,經過兩天的努力,終於執大部份的東西,間屋總算住得人,
亦要開始我們一家的”遊牧生活”!(因為是租的)



樂樂,六日都有在新居到住,都總算習慣,亦表現得好開心,係度周圍走!



這新居,我諗最滿意,應該是成屋比較開揚,而家view都算不錯,雖然不是對正海景,但都望到少少,已算不錯啦!(唔好以為真係對正個海景view呀,其實係好遠,又係對唔正,只是我用相機伸手出窗外影炸,!)


沒有留言:

發佈留言