德國勇奪~世界杯季軍

１１／０７／２０１０（一）

恭喜德國隊，奪得２０１０世界杯季軍！

講番今場波，流感侵襲德國隊，幾名主力唔出得，包括隊長拿姆。
但今場最失望的，我估都係背傷的高路斯，差一球就平朗拿度的１５球紀錄！

今場波德國隊的表現，我自己覺得係咁多場比賽最差的一場。
攻不銳，守不穩，連之前最突出的反擊都打得一般！

梅拿仔門前補射領先１：０

小豬中場一個扭失，被烏拉圭的卡韋拿快射得手追成１：１

其後，科蘭的一個妙射破網，反超前２：１

科蘭真係一個好球員，越老越可愛，我覺得係今場的ＭＶＰ！

之後一個烏拉圭門將又一個失誤，楊森頭球追成２：２

７０幾分鐘，基迪拉門前補頂入網，德國反超前３：２，奪得季軍！

今場波，有幾個新面孔打正選，各有不同的表現！

畢特　（）
今屆第一次正選上陣，表現穩健，勇救險球，唔係佢，德國已輸波！

卡卡奧　（）
第二場正選，表現不過不失，中場支援不足。

楊森　（）
打正選左中場，但除了用勤力來形容佢之外，真係好一般，有佢在場反而令德國隊的反擊慢左，佢同契仔比，好似契仔好Ｄ喎！
但我想這位置出馬連仔好多Ｄ喎！～～

亞高　（）
又一後生仔登場，但表現真的麻麻，被烏拉圭狂爆，始終後生仔，期待進步！

傑斯寧（）
自己幾鐘意佢，佢係技術型既前鋒，今場入替後表現不錯，但錯失了一個黃金的機會，要改善門前把握力。

今場比賽前，神ＰＡＵＬ八爪魚覺得德國奪得季軍喎！

所以我這個黑仔王都跟PAUL哥，重注德國！哈哈！平時我買＄１０炸！