０７／０７／２０１０（三）
兩年前歐洲國家杯的翻版，德國又以０：１負西班牙，論這晚的表現，地上最強的西班牙技高一籌，發揮，控球，攻勢都在德國之上，贏波好合理！恭喜晒牙仔入決賽！
講番今場波，右邊沒有了梅拿仔，右路攻勢真係無乜，而西班牙的中場防守都好硬淨，迫得好緊，德國的快速反擊力大減，導致德國連攻勢都無乜。
不過，今屆的德國表現，我好收貨，入到四強，已經在我預期之上，加上能技術性贏了亞根庭，和英格蘭，已令我開心不已，德國始終是我的最愛！
期待兩年後的歐洲國家杯！德國有更加好的表現！
估唔到這隻八爪魚真的咁準，要拿你做刺身先得，食碗底，反碗面～～你唔記得你係德國人養緊你了，亨亨！
ＰＵＹＯＬ的飛將軍一頂，將德仔頂出局～～嗚！
最慘係，我今屆買左件西班牙，還印埋ＰＵＹＡＬ，
即係我一頭頂死左德仔～～～嗚嗚！
小將們，要振作，一場波不算什麼，好好打好季軍戰吧！
沒有留言:
發佈留言