２６／０７／２００９（日）
在ＢＬＯＧ的世界，小弟真的好幸運，識到幾位好好的卜友，而＂波媽＂便是其一個，早期認識她，她知小弟對教育小孩的書籍有興趣，二話不說便借了幾本給我睇，之後還不繼幫助我們一家，實在多謝！
最近她知道我們搬了家，這天突登上來探訪我們，實在有心有心！之前還沒有正式一齊出來聚聚，今次算是我們的第一次聚會！
通常兩家有小朋友，坐埋一齊，必定講講湊仔經，今次亦不例外，和波爸媽傾計，實在獲益不少，特別在教導小朋友的方法，知道了很多，學會了很多，這次的湊仔交流真不錯啊！
至於小朋友，樂樂依然比較自我，很少和波波交流，反而波波熱身後，活躍非常！波波真係一個好得意的小孩，佢真係好鐘意食，食的樣子好鬼ＣＵＴＥ，講泰文數字真係笑死我！果然一個天真無邪的小孩！
由於我掛著傾計，只影了幾幅相，所以以下相片多數由波爸影的！
今次由於我們晚上要去睇演唱會，所以只能短聚，實在唔係太夠喉，下次到我地來探訪你們啦！我地會賴死食埋晚飯才走啊！唔好趕我地走喎～～ＨＡＨＡ！
還有，下次有乜活動，都可以預埋我地喎！記得呀！
最後，多謝波家的禮物！樂仔又有新野玩啦！謝謝！
經過這天，自己覺得真的要正視下樂仔的問題！逃避不是辦法啊！
沒有留言:
發佈留言