０５／０７／２００９（日） 大雨
之前已經一早上天文台睇下潮汐表，預定這星期天去摸蜆，但早上見天氣這麼差，以為今次都要取消啦！點至天公造美，三點幾入到去，竟然無雨，天陰陰，好清涼，值到我地走，都沒有再落雨，謝謝上天！
這天其實樂媽和婆婆公公，大姑姐和婆叔早上已入了三門仔的魚牌釣魚，下午時我帶樂仔和梨Ｅ亞煇會合，才一齊入三門仔，車程真的幾遠，搭港鐵去九龍堂轉火車到大埔虛，之後再轉小巴入三門仔，全程差不多個半鐘！
入到去，雖然地方不大，但環境真的幾靚，開始時，樂仔有Ｄ驚，唔敢落地，但熱身完一輪，就開始投入佢＂筆＂沙行動，係咁＂筆＂，真係比佢個認真樣笑死！
大家睇下佢點＂筆筆＂啦！
樂仔係一個麻煩友，少少泥係手或入左鞋都唔鐘意，見到就會係咁整，
最後要同佢去洗手洗腳～～～最終洗到鞋都跌埋。
這天的收獲，真的幾多，婆婆要煮幾餐才煮得晒Ｄ蜆！
這天，大頭蝦，唔記得帶相機，我只能用手機影，所以影得不多，
好彩梨Ｅ有帶，所以多數相都是梨Ｅ的傑作！謝謝梨Ｅ～！
咁靚的風景，又點少得和樂仔影下沙龍呢！
以下是梨Ｅ影的！
以下兩幅是我影的！請收看！
這天摸蜆真的幾好玩！有空一定再來玩玩！Ｉ ＷＩＬＬ ＢＡＣＫ！
沒有留言:
發佈留言