紐卡素！加油！

先分析下個形勢先：

１６位　－　新特蘭　　３６分
１７位　－　候城　　　３５分
１８位　－　紐卡素　　３４分
１９位　－　米杜士堡　３２分
２０位　－　西布朗　　３１分（篤定降班）
最後一輪比賽
新特蘭　ｖｓ　車路士
侯城　　ｖｓ　曼聯
維拉　　ｖｓ　紐卡素
韋斯咸　ｖｓ　米杜士堡
即係話，紐卡素要逃出降班，最後一場如果贏左，都要睇候城和新特蘭的賽果，要他們輸才有機會不用降班，如果和波，而候城輸波，紐記都可以憑著得失球差壓到候城護級成功。不過點都好，最重要係唔可以輸波先．．．

紐卡素這隊波，自己鐘意左差不多十年，開始鐘意是因為奇雲基勤帶領，大打進攻足球，令我愛上這球隊，之後舒利亞的加盟，更加鐘意！全盛時的紐記，真係幾勁可以和ｂｉｇ４對抗，還迫走利記，進佔第四位，有得打歐聯，真係幾風光。
可惜近年當舒利亞退役後，紐記實力大不如前，換領隊當食生菜，成績一年比一年倒退，最終今年初發生基勤和肥ｂｏｓｓ的閙劇後，成隊波散晒，越打越差，最終要打護級．．．唉．．．

最後一場定生死，作為一個支持者，真的希望佢護級成功，我唔想見到紐記星散的一天，亦希望下季繼續見到舒利亞執教的紐記在英超比賽。

加油！紐卡素！